الەمدەگى ەڭ تانىمال ميللياردەرلەردىڭ بالالىق شاعى قالاي ءوتتى؟ - فوتو
ەندەشە الەمدەگى ەڭ تابىستى ءارى تانىمال تۇلعالاردىڭ قانداي بالا بولعانىن بىلە ءجۇرىڭىز.
ولار ميللياردەر بولىپ تۋعان جوق. بۇگىندە بۇكىل الەم تانيتىن بۇل ازاماتتاردىڭ بالالىق شاعى دا ءارتۇرلى جاعدايدا ءوتتى. ولاردىڭ اراسىندا وقىمىستى، قىرسىق، ۆۋندەركيند، ءتىپتى، ەڭ قاراپايىم بالالار دا بولدى.
تسۋكەربەرگ ۆ دەتستۆە
بۇل تۋرالى شەتەلدىڭ mixstuff باسىلىمى حابارلايدى.
سونىمەن، بۇل ازاماتتار ءارتۇرلى جاعدايدا ءوسىپ، تاربيەلەندى. دەسە دە، ولاردىڭ ءارقايسىسى اۋىز تولتىرىپ ايتارلىقتاي تابىسقا جەتىپ، كەيىنگى ۇرپاققا ۇلگى بولا ءبىلدى. ال ولاردى تابىسقا جەتەلەگەن جول بىلاي باستالدى:
مارك سۋكەربەرگ: «وقىمىستى»
اتا- اناسى ماركتى ەڭبەك پەن كاسىپكەرلىككە تاربيەلەدى. بۇل رەتتە سۋكەربەرگتەردىڭ ۇلدارىنا ۇلگى بولا بىلگەندەرىن دە اتاپ وتكەن ءجون. ولار اركەز وتباسىن قارجىلىق تۇراقتىلىقپەن قامتاماسىز ەتۋگە، بالالارىن اقشا تاپشىلىعىنان قورعاۋعا تىرىستى. اتا- انا بالالارىنىڭ قىزىعۋشىلىقتارىن ەسكەرىپ، ولار بەيىم سالالاردى دامىتۋعا كۇش سالدى. مۇمكىندىك بولعان سايىن، بالالارىن ماقتان تۇتاتىندارىن كورسەتۋگە تىرىستى. ال شەكتەۋگە كەلسەك، تسۋكەربەرگتەر وتباسى جاساۋعا بولمايتىن ارەكەتتەردى ءتۇسىندىرىپ وتىردى.
2000-جىلداردىڭ باسىندا وقۋشى مارك جەلى قولدانۋشىلارىنىڭ مۋزىكالىق قالاۋىن انىقتايتىن باعدارلاما ويلاپ تاپتى. بىرنەشە كومپانيا تسۋكەربەرگتىڭ باعدارلاماسىنا قىزىعۋشىلىق تانىتىپ، ءتىپتى، مەكتەپتى اياقتاعانعا دەيىن جۇمىسقا ورنالاسۋعا ۇسىنىس جاسادى. باقىتىنا وراي، مارك باس تارتىپ، گارۆاردقا وقۋعا اتتاندى. ول جاقتا وتكىزگەن ۋاقىتى ارالىعىندا ول فەيسبۋك الەۋمەتتىك جەلىسىن قۇرىپ، ءوزىنىڭ بولاشاق جارى پريستسيللا چاندى كەزىكتىردى. سەنۋ قيىن شىعار، الايدا بۇگىنگى ميللياردەر ايەلىمەن دارەتحاناعا كەزەككە تۇرعان كەزدە تانىسقان.
دجەفف بەزوس: «مومىن بالا»
Amazon.com ينتەرنەت- كومپانياسى مەن Blue Origin اەرو- عارىش كومپانياسىنىڭ يەسى ءارى نەگىزىن قالاۋشى، سونداي- اق The Washington Post باسپاگەرلىك كومپانياسىنىڭ باسشىسى اناسى مەن وگەي اكەسىنىڭ قولىندا تاربيەلەندى. ونىڭ جازعى دەمالىسى اتاسىنىڭ فەرماسىندا وتەتىن.
دجەفف مەكتەپتە ۇزدىك وقىپ، ارنايى شاكىرتاقى يەگەرى اتاندى. وعان، ءتىپتى، ءبىتىرۋ كەشىندە مەكتەپپەن قوشتاسۋ ءسوزىن سويلەۋ مۇمكىندىگى بەرىلدى. بۇدان كەيىن، دجەفف پريستون ۋنيۆەرسيتەتىنە وقۋعا ءتۇسىپ، وندا ينفورماتيكا مەن ەلەكترونيكادان دارەجە العان 20 ستۋدەنتتىڭ قاتارىنا كىردى.
«ول كەزدە دجەفف تانىمال ەمەس ەدى، ۇزدىك بىلىمگەرلەر تىزىمىندە ونىڭ اتى اتالمايتىن... جالپى ءبىزدىڭ كۋرستا مومىن كومپيۋتەر ماماندارى وقىدى»، - دەپ ەسكە الادى بۇگىنگى ميللياردەردىڭ كۋرستاسى.
لارري ەلليسون: «قىرسىق»
Oracle كورپوراتسياسىنىڭ نەگىزىن قالاعان 73جاستاعى ەلليسون ناعاشى اعاسى مەن اپكەسىنىڭ قولىندا تاربيەلەندى (ولار ءلارريدى اسىراپ العان). بۇل وتباسى چيكاگودا اياداي عانا پاتەردە ءومىر ءسۇردى. ەلليسون بىربەتكەي، قىرسىق بالا بولدى. ءبىر قىزىعى، مۇعالىمى دە، اسىراپ العان اكەسى دە بالانىڭ بويىنان ەشقانداي تالانت بايقاماعان. اتاپ وتەتىن جايت، ۇستازىمەن دە، اكەسىمەن دە لارري ءجاسوسپىرىم كەزىندە ءجيى ۇرساتىن.
ءوز ءىسىن قولعا العانعا دەيىن ەلليسون بىرنەشە جەردە جۇمىس ىستەدى. 1977 -جىلى ول Oracle كومپانياسىنىڭ نەگىزىن قالادى. جەكە ءىسىن اشۋعا جۇمسالعان 2000 دوللاردىڭ 1200 دوللارى ەلليسوننىڭ ءوز اقشاسى بولاتىن. العاشقىدا Oracle ءتۇرلى قيىنشىلىقتارعا تاپ بولعانىمەن، 1980 -جىلداردىڭ ورتاسىندا ەڭ تابىستى كومپانيالاردىڭ قاتارىنا كىردى.
بيلل گەيتس: «ۆۋندەركيند»
گەيتستىڭ الاڭسىز بالالىق شاعى سيەتلدە ءوتتى. تابىستى زاڭگەر مەن بانك مامانىنىڭ وتباسىندا تاربيەلەنگەن بيلل العاش رەت 1960 -جىلداردىڭ سوڭىندا كومپيۋتەر الەمىن اشتى. بۇل كەزدە بيلل مەكتەپ وقۋشىسى ەدى. ول ۋاقىتتا مۇنداي مۇمكىندىك ەكىنىڭ بىرىنە بۇيىرا بەرمەيتىن. ال 16 جاستاعى گەيتس TRW كومپانياسىندا جۇمىس ىستەپ، باعدارلاماشى رەتىندە سول جەردە ماشىقتاندى.
مايك بلۋمبەرگ: «قاراپايىم بالا»
بوستوندا دۇنيەگە كەلگەن بلۋمبەرگتىڭ اتا- اناسى ورتا تاپ وكىلدەرىنەن بولدى. ول قابىلەتتى وقۋشى دا، ۇلى سپورتشى دا بولعان جوق. ەسەسىنە ماقسات قويىپ، سوعان جەتە بىلەتىن جانداردىڭ قاتارىنان بولدى.
دجون حوپكينس ۋنيۆەرسيتەتى مەن گارۆارد بيزنەس مەكتەبىن ءتامامداعان سوڭ بلۋمبەرگ ۋولل- ستريتكە اتتاندى. ءوزىنىڭ كاسىبي مانسابىن ول Salomon Brothers كومپانياسىنان باستادى. اقىرىندا بلۋمبەرگ كەيىننەن ءوزىنىڭ ەسىمى بەرىلگەن اقپاراتتىق اگەنتتىكتىڭ نەگىزىن قالادى.
امانسيو ورتەگا: قورلىق كورگەن بالا
يسپانيالىق ميللياردەر ورتەگا Zara دۇكەندەر جەلىسىنىڭ نەگىزىن قالاۋشى ءارى پرەزيدەنتى بولىپ تابىلادى. ونىڭ بالالىق شاعى جوقشىلىقتا ءوتتى. سەبەبى بۇل ۋاقىتتا يسپانيا سوعىستان كەيىنگى اۋىر كەزەڭدەردى باستان وتكەرىپ جاتقان بولاتىن. 14 جاسىندا دۇكەنشى اناسىنا قارىزعا ازىق بەرمەي قويعان سوڭ، ول تابىستى ازامات بولاتىنىن ايتقان.
ول ەلدەن ءجيى قورلىق كورگەندىكتەن ۇنەمى ىزدەنىستە جۇرەتىن. بالا كۇنىنەن تاۋەلسىز، تابىستى بولۋدى اڭساپ، ماقساتىنا جەتۋ ءۇشىن كوپتەگەن تاۋەكەلدەرگە بارعان.
