قايرات كەلىمبەتوۆ جالاقىسىنىڭ قانشا ەكەنىن ايتتى

استانا. قازاقپارات - «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ جالاقىسىنىڭ قانشا بولاتىنى تۋرالى سۇراققا جاۋاپ بەردى، دەپ حابارلايدى «قازاقپارات» ح ا ا ءتىلشىسى.
None
None

«بىزدە سوتتاردىڭ جۇمىسى بارىن اتاپ وتكىم كەلەدى. بۇل سالاعا الەمدىك دارەجەسى بار مامانداردى تارتقالى وتىرمىز. سونىمەن بىرگە، ءىرى كومپانيالار بىزگە باسەكەگە قابىلەتتى بولاتىنداي ايلىقتىڭ دەڭگەيىنە جەتكىزۋ باعىتىندا كومەك بەرىپ جاتىر. البەتتە، ءبىز ايلىعى وتە جوعارى دۋباي نەمەسە ءابۋ-دابي (سول جاقتاعى قارجى ورتالىقتارى - اۆت.) ەمەسپىز. ءبىز بۇل باعىتتاعى ءبىرىنشى ۇيىم ەمەس ەكەنىمىزدى دە اتاپ وتكىم كەلەدى. بىزدە «سامۇرىق-قازىنا» ۇلتتىق ءال-اۋقات قورى جانە سول سەكىلدى ۇلتتىق كومپانيالاردىڭ الەمدىك دەڭگەيدەگى ساراپشىلاردى تارتۋ باعىتىندا تاجىريبەلەرى بار. سايكەسىنشە، ايلىقتىڭ دەڭگەيى رەگۋلياتورلارعا بايلانىستى بولادى. ءبىز ەڭ الدىمەن جەرگىلىكتى ينديكاتورلاردى تارتقىمىز كەلەدى. مەنىڭ جەكە ايلىعىمدى تۋرالى ايتار بولسام. وزدەرىڭىز بىلەتىندەي، مەن وسى لاۋازىمعا پرەزيدەنتتىڭ تاپسىرماسىمەن تاعايىندالعان ەدىم. ۇيىمنىڭ باسقارۋشىسىمىن. سايكەسىنشە، بۇنىڭ بارلىعى زاڭمەن باقىلانادى. ايلىعىم «بايتەرەك» نەمەسە «سامۇرىق-قازىناداعىدان» جوعارى ەمەس. مۇمكىن ودان دا كەم بولۋى مۇمكىن. بيىل سونىمەن بىرگە، ەشقانداي بونۋس نەمەسە سىياقى قاراستىرىلعان جوق. ايلىعىم تۋرالى قالىپتى دەپ ايتۋعا بولادى. مولشەرى 1 ميلليونعا دەيىن»، - دەدى قايرات كەلىمبەتوۆ.

ەسكە سالا كەتسەك، بۇگىن «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ وتاندىق جانە شەتەلدىك ب ا ق الدىندا ۇيىمنىڭ جۇمىسىن تانىستىرعان بولاتىن.

اۆتور: ايان بەكەن ۇلى

سوڭعى جاڭالىقتار