داۋرەن ابايەۆ جالعان اقپارات شىعارعان ب ا ق- قا جۇكتەلەتىن مىندەتتى ايتتى

الماتى. قازاقپارات - ق ر اقپارات جانە كوممۋنيكاتسيا ءمينيسترى داۋرەن ابايەۆ فەيسبۋكتەگى پاراقشاسىندا پارلامەنت قاراۋىنا جىبەرىلگەن اقپارات جانە كوممۋنيكاتسيا سالاسى بويىنشا زاڭ جوباسىنىڭ نورمالارىن ءتۇسىندىرىپ بەردى، دەپ حابارلايدى قازاقپارات.
None
None

«بۇل بەينەجازبادا مەن بيىلعى جازدا پارلامەنت قاراۋىنا ۇسىنىلعان اقپارات جانە كوممۋنيكاتسيا سالاسىنداعى زاڭ جوباسىنىڭ ءبىرقاتار نورمالارىن ءتۇسىندىردىم. جاقىندا قازاقستاندىق مەديا قاۋىمداستىقتا رەزونانس تۋدىرعان ەڭ داۋلى نورمالارعا قاتىستى مينيسترلىكتىڭ ۇستانىمىن بىلدىرەتىن جاڭا بەينەجازبامدى جاريالايمىن»، - دەدى داۋرەن ابايەۆ فەيسبۋكتەگى پاراقشاسىندا.

بەينەجازبادا داۋرەن ابايەۆ اقپارات جانە كوممۋنيكاتسيا سالاسىنداعى زاڭ جوباسىمەن ب ا ق تۋرالى زاڭعا وزگەرىستەر ەنگىزۋ تۋرالى پارلامەنتكە جاسالعان ۇسىنىس بارلىق قازاقستاندىققا قاتىستى ەكەنىن سوندىقتان، ونى قاراپايىم تىلمەن ءتۇسىندىرىپ بەرۋ قاجەتتىگىن ايتقان.

«ب ا ق تانىمال ادامدار تۋرالى اقپاراتتى اڭديتىنى ەشكىمگە قۇپيا ەمەس. ول انشىلەر، سپورتشىلار، اكتەرلەر تاعىسىن تاعىلار. ونداي اقپاراتتاردىڭ دەنى نەگىزسىز اڭگىمە مەن بولجامدارعا سۇيەنىپ جازىلاتىنى بەلگىلى. ول اقپارات وتباسىنا، جەكە ءومىرى مەن دەنساۋلىعىنا قاتىستى بولۋى مۇمكىن. كوپ جاعدايدا دۇرىس ەمەس اقپارات ادامنىڭ رەپۋتاتسياسىنا اسەر ەتەدى. ءتىپتى، ول قاتە اقپارات بولعاننىڭ وزىندە ونى تەرىسكە شىعارۋ وڭاي بولمايدى. ەڭ سوڭعى شەشىم - سوتقا شاعىمدانۋ. ول ايلاپ جۇيكەڭدى جۇقارتاتىن جۇمىس. جانە بارلىعى دا سوتقا شاعىمدانىپ قۇقىعىن قورعاۋعا بەلسەندى ەمەس، ونىڭ ىشىندە جەلسوزدىڭ قۇربانى بولعان قاراپايىم ادامدار. ماسەلەن، «14 جاستا وتباسىن» قۇرعان ماڭعىستاۋلىقتار تۋرالى اقپارات. كەيىن ولاردىڭ كامەلەت جاسقا تولعاندارى انىقتالدى. ب ا ق تەرىس اقپاراتتى جاريالاپ قانا قويماي، جاس جۇبايلاردىڭ سۋرەتتەرىندە جاريا ەتتى. وسىدان كەيىن ەلىمىزدىڭ بارلىق ايماعىنان جاس جۇبايلارعا سىن تاققان، ايىپتاعان، ءتىپتى قورلاعان پىكىرلەر ايتىلدى. جەل ءسوزدىڭ جەتەگىندە كەتكەن ب ا ق جاس جۇبايلاردىڭ ءومىرىن قيىنداتتى. ەندى ازاماتتىڭ تالابى بويىنشا ب ا ق جازىلعان اقپاراتى ءۇشىن دالەل كەلتىرۋى قاجەت. ەگەر ونداي دالەلى بولماسا، تەرىسكە شىعارعانىن جاريالايدى. بۇل تۇزەتۋ ب ا ق اقپاراتتى جاريالاماس بۇرىن تاعى ءبىر تەكسەرۋ قاجەتتىگىن قوسىمشا مىندەتتەيدى»، - دەدى داۋرەن ابايەۆ.

اۆتور: الماس مۇقاش ۇلى

سوڭعى جاڭالىقتار