قىتايلىق ميللياردەر گولوۆكيننىڭ جانكۇيەرى بولىپ شىقتى
جەكپە-جەكتەن العان اسەرىن دجەك ما ءوزىنىڭ Weibo الەۋمەتتىك جەلىدەگى پاراقشاسىندا جاريالادى.
«الدىڭعى كۇنى لاس-ۆەگاستا گولوۆكين - الۆارەس اراسىنداعى «عاسىر جەكپە-جەگىن» تاماشالادىم. بۇل مەنىڭ ومىرىمدە بوكستى العاش رەت جاقىن ارالىقتا تاماشالاۋىم. بوكسشىلاردىڭ ءبىر-بىرىنە تيگىزگەن جۇدىرىعىنىڭ داۋىسى، اققان تەرىن جاقىننان سەزىنۋ باسقاشا سەزىم ەكەن. قازاقستاندىق 36 جاسار چەمپيون GGG- نىڭ جالىنداعان جاس جىگىتپەن اشىق ايقاسى، مەنى قاتتى شابىتتاندىردى»- ، دەپ جازدى دجەك ما.
سونداي-اق، دجەك ما ادامدارعا گولوۆكين سياقتى تەك العا قاراي ۇمتىلۋ كەرەك ەكەنىن جەتكىزدى.
ەسكە سالا كەتەيىك، بوكس جانكۇيەرلەرى 2 جىل سارىلا كۇتكەن گولوۆكينمەن الۆارەس اراسىنداعى «عاسىر جەكپە-جەگى» 17- قىركۇيەك ا ق ش- تىڭ لاس-ۆەگاس قالاسىنداعى وتكەن ەدى. 12 راۋندقا سوزىلعان ايقاستا بوكسشىلار ءۇش تورەشىنىڭ 118-110، 115-113، 114-114 ەسەبىمەن تەڭ ءتۇستى.
