مەكسيكاداعى ءزىلزالادان زارداپ شەككەن قازاقستاندىقتار تۋرالى اقپارات تۇسكەن جوق - ق ر س ءى م

استانا. قازاقپارات - مەكسيكاداعى جەر سىلكىنىسىنەن زارداپ شەككەن قازاقستاندىقتار تۋرالى ەشقانداي اقپارات كەلىپ تۇسپەگەن، دەپ حابارلايدى «قازاقپارات» ح ا ا ءتىلشىسى ق ر س ءى م باسپا ءسوز قىزمەتىنە سىلتەمە جاساپ.

«مەكسيكاداعى قازاقستاننىڭ ەلشىلىگى اتالعان ەلدىڭ استاناسى مەن سول اۋماققا جاتاتىن وڭىرلەردە 7 بالدىق جەر سىلكىنىسى تىركەلگەنىن حابارلايدى. وسىنىڭ سالدارىنان عيماراتتار قيراپ، جۇزدەن اسا ادام كوز جۇمعان. قازا تاپقانداردىڭ سانى بۇدان دا كوپ بولۋى مۇمكىن. زارداپ شەككەندەردىڭ اراسىندا قازاقستاندىقتاردىڭ بارى تۋرالى اقپارات كەلىپ تۇسكەن جوق»، - دەلىنگەن حابارلامادا.

ق ر س ءى م حابارلاۋىنشا، ەلشىلىكتەگى كونسۋلدىق ەسەپتە تۇرعان ادامدارمەن بايلانىس ورناتىلعان. ولارعا سابىر ساقتاپ، ءوز جاعدايلارى تۋرالى جاقىندارىنا حابار بەرۋگە، جەرگىلىكتى بيلىكتىڭ نۇسقاۋىنا قۇلاق اسۋعا كەڭەس بەرىلگەن.

ەسكە سالا كەتسەك، سەيسەنبى كۇنى مەكسيكادا ماگنيتۋداسى 7,1 بالدىق جەر سىلكىنىسى تىركەلدى. ءزىلزالا سالدارىنان 119 ادامنىڭ مەرت بولعانى انىقتالىپ وتىر. مەكسيكانىڭ ۇلتتىق سەيسميكالىق قىزمەتىنىڭ اقپاراتىنا ساي، جەر استى ءدۇمپۋىنىڭ ەپيتسەنترى احوچياپان (مورەلوس شتاتى) تۇرعىلىقتى مەكەنىنەن وڭتۇستىك-شىعىسقا قاراي 12 شاقىرىم قاشىقتىقتا تىركەلگەن. احوچياپان قالاسى مەكسيكادا استاناسىنان 111 شاقىرىم جەردە جاتىر. ءزىلزالا وشاعى 57 شاقىرىم تەرەڭدىكتە بولعان.

اۆتور: ايان بەكەن ۇلى