09:09, 20 - قىركۇيەك 2017 | GMT +6
عالامشاردا قۇم تاۋسىلىپ قالۋى مۇمكىن
استانا. قازاقپارات - Science جۋرنالىندا جاريالانعان زەرتتەۋ اۆتورلارى الەم كوشباسشىلارىن تاۋ كەن قازۋ ونەركاسىبى مەن قۇم ساتىلىمىنا حالىقارالىق ەرەجەلەر قالىپتاستىرۋعا شاقىردى.
ولاي بولماعان جاعدايدا، جاقىن ارادا جەر بەتىندە قۇم قالماي قالۋى ابدەن مۇمكىن.
عالىمداردىڭ ايتۋىنشا، تاياۋ اراداعى حيۋستون، بانگلادەش جانە نەپالدا بولعان سۋ تاسقىنى سالدارىنان تەڭىز دەڭگەيىنىڭ ارتۋى قۇمعا دەگەن سۇرانىستى ارتتىرا تۇسەدى.
«الەم بويىنشا قۇم جانە قيىرشىق تاس ءوندىرىسى جىلىنا وندىرىلەتىن بارلىق ماتەريالداردىڭ 68-85 پايىزىن قۇرايدى جانە بۇل كورسەتكىش ءوسىپ كەلەدى. قۇم - شەكتەۋلى رەسۋرس، الايدا ازىرگە سۇرانىستاردىڭ ۇسىنىستاردان اسىپ ءتۇسۋ-تۇسپەۋى بەلگىسىز»، - دەيدى ماماندار.
«قۇم اينەك پەن ءتۇرلى ەلەكترونيكا وندىرىسىندە جانە جەر قىرتىستارىنىڭ گيدراۆليكالىق اجىراتۋىنا پايدالانىلادى. وسىعان بايلانىستى، تاۋ جىنىستارىن زاڭسىز ساتۋمەن اينالىساتىن «قۇم مافياسى» دا پايدا بولعان»، دەپ جازادى عىلىمي جۋرنال.
