ادام ءۇشىن ەڭ قاۋىپتى الەۋمەتتىك جەلى انىقتالدى

استانا. قازاقپارات - ۇلى بريتانيا عالىمدارى الەۋمەتتىك جەلىلەردىڭ ادامدارعا ايتارلىقتاي زيان كەلتىرەتىنىن انىقتادى.

زەرتتەۋ جۇمىسى #StatusOfMind جوباسى اياسىندا جۇرگىزىلگەن، دەپ حابارلايدى The Time.

اقپاننان مامىر ايىنا دەيىن 14-24 جاس ارالىعىنداعى 1500 دەن استام جاستار الەۋمەتتانۋشىلاردىڭ الەۋمەتتىك جەلىلەردىڭ ولارعا قانداي دا ءبىر اسەر ەتەتىنى تۋرالى سۇراقتارىنا جاۋاپ بەرىپ، ءتۇرلى جاعدايلارعا تالداۋ جاسادى.

ەڭ تانىمال 5 الەۋمەتتىك جەلىگە تالداۋ جۇرگىزىلدى. ولاردىڭ اراسىندا YouTube - ادامنىڭ مەنتالدى دەنساۋلىعىنا ەشقانداي زيان كەلتىرمەيتىن پلاتفورما رەتىندە باعالاندى.

ەكىنشى ورىندا Twitter، ودان كەيىن Facebook، ءتورتىنشى ورىندى Snapchat يەلەندى. ال، ەڭ سوڭعى ورىندا - Instagram تۇر.

ساۋالناما ناتيجەسى بويىنشا، Instagram-نىڭ اشۋ تۋعىزىپ، دەپرەسسياعا تۇسىرەتىنى، سونداي-اق كەمسىتۋ الاڭىنا اينالىپ بارا جاتقانى انىقتالدى.

بۇدان بولەك، بريتاندىق عالىمدار الەۋمەتتىك جەلىلەردە كۇنىنە ەكى ساعاتتان ارتىق ۋاقىت وتكىزبەۋدى ۇسىنۋدا. سەبەبى، ادامدار وزدەرىن باسقالارمەن سالىستىرىپ، ءوز-وزىنەن باس تارتۋ سەزىمى ۇيالايدى.