ۆاشينگتون: پحەنيانعا قارسى «اسكەري ۆاريانتتار» دا قاراستىرىلادى

استانا. قازاقپارات - ب ۇ ۇ- داعى ا ق ش- تىڭ تۇراقتى وكىلى نيككي حەيليدىڭ مالىمدەۋىنشە، ب ۇ ۇ قاۋىپسىزدىك كەڭەسى سولتۇستىك كورەيانىڭ يادرولىق باعدارلاماسىن تەجەۋدىڭ بارلىق مۇمكىندىكتەرىن سارقىعان.

بۇل تۋرالى جەكسەنبىدە سويلەگەن سوزىندە حەيلي ا ق ش اكىمشىلىگىنە پروبلەمانى پەنتاگوننىڭ كومەگىمەن شەشۋىنە تۋرا كەلۋى مۇمكىن ەكەنىن ايتقان.

حەيليدىڭ سوزىنشە، ۆاشينگتون «وزگە دە بارلىق مۇمكىندىكتەردى قاراستىرۋدى» جالعاستىرادى. ءبىراق، سونىمەن بىرگە كوپتەگەن اسكەري ۆاريانتتار  (نۇسقالار) دا قاراستىرىلادى دەگەن ول.

ا ق ش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى گەربەرت ماكماستەر «Fox News Sunday»- عا بەرگەن سۇحباتىندا پحەنياننىڭ ا ق ش- قا قاتەر توندىرەتىن مۇمكىندىككە جاقىنداعانى تۋرالى مالىمدەگەن. گەنەرالدىڭ سوزىنشە، پحەنيانعا سانكسيالار، ديپلوماتيالىق جولمەن ىقپال ەتۋدىڭ شۇعىل قادامدارى جاسالۋى ءتيىس، ال «ەگەر قاجەت بولعان» جاعدايدا «اسكەري ۆاريانتقا» دا دايىندالعان ءجون بولماق.

سولتۇستىك كورەيا جاقىندا كەزەكتى رەت بالليستيكالىق زىمىران ۇشىرعان. سولتۇستىك كورەيا باسشىسى كيم چەن ىن پحەنياننىڭ «اسكەري قۋاتىن ا ق ش- پەن تەڭەستىرگىسى كەلەتىنى» جايلى مالىمدەگەن.

www.azattyq.org