نۇرلى جەر باعدارلاماسى بويىنشا جەكە مەنشىك ۇيلەر سالىنۋدا - فوتو

استانا. قازاقپارات - «نۇرلى جەر» تۇرعىن ءۇي قۇرىلىسى باعدارلاماسى شەڭبەرىندە جەكە مەنشىك ۇيلەر سالىنۋدا، دەپ حابارلايدى «بايتەرەك» حولدينگىنىڭ باسپا ءسوز قىزمەتى.

جەكە تۇرعىن ءۇي قۇرىلىسىن دامىتۋ (ج ت ق) - بايتەرەك حولدينگى جۇزەگە اسىراتىن «نۇرلى جەر» باعدارلاماسىنىڭ پيلوتتىق باعىتى. ول بەكەر تاڭدالعان جوق: قازاقستاندا پايدالانۋعا بەرىلەتىن ۇيلەردىڭ جارتىسى جەكەمەنشىك تۇرعىن ءۇي قۇرىلىسى ساناتىنا جاتادى. ءبىراق كوپ جاعدايلاردا بۇل قۇرىلىستاردىڭ بارلىعى شاشىراڭقى جانە رەتسىز ورنالاستىرىلعان. سوندىقتان، الەمدەگى جەتەكشى قالالاردىڭ ۇلگىلەرى بويىنشا ءبىرىڭعاي ساۋلەتتىك ستيلدە جەكە مەنشىك ۇيلەر سالۋ شەشىمى قابىلداندى.

ناتيجەسىندە جيناقى كوتتەدج قالاشىقتارى بارلىق وبلىستاردىڭ ەلدىمەكەندەرىندە پايدا بولۋى ءتيىس. كوپتەگەن وڭىرلەردە جەرگىلىكتى اتقارۋشى ورگاندار قۇرىلىس سالىناتىن ورىنداردى بولجاممەن بەلگىلەپ قويعان. ولار وبلىس ورتالىقتارىنا جاقىن ورنالاستىرىلعان اۋماقتار نەمەسە جوعارى دامۋ الەۋەتتەرى بار كىشى قالالار.

«نۇرلى جەر» باعدارلاماسى شەڭبەرىندە كوتتەدجدەرگە كىم ۇمىتتەنە الادى؟

جەرگىلىكتى اتقارۋشى ورگانداردا جەكە مەنشىك تۇرعىن ءۇي قۇرىلىسىنا جەر ۋچاسكەسىن سالۋعا كەزەكتە تۇرعاندار. مەملەكەتتەن جەردى ۇمىتكەر كەزەگى كەلگەندە تەگىن الادى، ال سالىنعان ءۇي ءۇشىن وعان اقى تولەۋگە تۋرا كەلەدى. مۇنى ءوز قاراجاتى ەسەبىنەن نەمەسە تۇرعىن ءۇي قۇرىلىس جيناق بانكىنەن جەڭىلدىك قارىزىن الىپ جاساۋعا بولادى. بۇل ءۇشىن ق ت ق ج ب- دا شوت اشۋ كەرەك جانە وندا تۇرعىن ءۇي قۇنىنان كەمىندە %30 ى بولۋى قاجەت. بۇل جاعدايدا جىلدىق %5 بەن قولجەتىمدى كرەديتكە نيەتتەنۋگە بولادى.

ءۇي قانشا تۇرادى؟

«نۇرلى جەر» باعدارلاماسىنىڭ شارتتارى بويىنشا ءبىر شارشى مەتر تۇرعىن ءۇي قۇرىلىسىنىڭ قۇنى 120 مىڭ تەڭگەدەن (ي ك ي قۇنىن ەسەپتەمەگەندە) اسپاۋى كەرەك. قولجەتىمدى باعانى ءۇي سالۋ كومبيناتتارىن تارتۋ جانە قازاقستاندىق قۇرىلىس ماتەريالدارىن پايدالانۋ ەسەبىنەن قامتاماسىز ەتەدى.

قۇرىلىس بويىنشا بارلىق شىعىستاردى قۇرىلىس سالۋشى وزىنە الادى، ول تەك الاڭى مەن قاباتى بويىنشا عانا ەرەكشەلەنەتىن ءبىرىڭعاي ساۋلەتتىك ستيلدەگى مىقتى ۇيلەردىڭ بەلگىلى ءبىر سانىن سالادى.

 مىسالى، 83 شارشى مەتر الاڭىنداعى ءۇي 10 ميلليون تەڭگەنى قۇرادى. باسىندا باعدارلاماعا قاتىسۋشى- كەزەكتە تۇرۋشى تۇرعىن ءۇي قۇرىلىس جيناق بانكى ارقىلى وسى تۇرعىن ءۇيدى ساتىپ الۋدى شەشكەن. بۇل جاعدايدا ول ق ت ق ج ب- دا شوتقا اقشا جيناۋى كەرەك نەمەسە وسى سومانىڭ %30 ىن، ياعني 3 ميلليون تەڭگەنى ءبىر ۋاقىتتا ەنگىزۋى قاجەت. بۇل العاشقى جارنا بولىپ تابىلادى. قالعان سومانى وتەۋ ءۇشىن تۇرعىن ءۇي قۇرىلىس جيناق بانكى 13 جىلعا جەڭىلدىك قارىزىن بەرەدى.

ونىڭ ىشىندە: العاشقى تۇرعىن ءۇي قارىزىن (جىلدىق %5) 66000 تەڭگەدەن 5 جىل تولەۋ كەرەك. تۇرعىن ءۇي قارىزى (جىلدىق %4,5) 8 جىل. ول بويىنشا اي سايىنعى تولەم 62000 تەڭگەنى قۇرايدى. كرەديتتى مۇمكىندىك تۋعان جاعدايدا كەز كەلگەن ۋاقىتتا تولىق وتەۋگە بولادى - مۇندا ەشقانداي شەكتەۋ جوق.

تۇرعىن ءۇي قۇرىلىس جيناق بانكى وبلىس اكىمدىكتەرىمەن قالاي ءوزارا ءىس- قيمىل جاساۋدا؟

وڭىردەگى پيلوتتىق جوبانى ىسكە اسىرۋ تۋرالى جەرگىلىكتى اتقارۋشى ورگان (وبلىستىق اكىمدىك) جاريالايدى. ول جەرگە كەزەككە تۇرۋشىلار ءتىزىمىن قۇرايدى. سودان كەيىن ولارعا تولەمگە قابىلەتتىلىگىن باعالاۋدان ءوتۋ ءۇشىن تۇرعىن ءۇي قۇرىلىس جيناق بانكىنە جولداما بەرەدى. ەگەر ۇمىتكەرلەر ءوز كىرىستەرىن راستاسا، اكىمدىك كەزەككە تۇرۋشىلاردىڭ تۇپكىلىكتى ءتىزىمىن جاسايدى جانە ساتىپ الۋ- ساتۋ شارتتارىن رەسىمدەۋدى باستايدى. وسىدان كەيىن قۇقىق بەلگىلەۋشى قۇجاتتار قارىز رەسىمدەۋ ءۇشىن ق ت ق ج ب- گە تاپسىرىلادى. بانك ۋچاسكەسى بار جەكە مەنشىك ءۇيدى كەپىلگە قويىپ كرەديت بەرەدى.

350 كوتتەدج «نۇرلى جەر» باعدارلاماسى شەڭبەرىندە جىل سوڭىنا دەيىن تاپسىرىلادى. العاشقى بولىپ قوستاناي جانە اقتوبە وبلىستارىنىڭ تۇرعىندارى قونىس تويىن تويلايدى. ول جەرلەردە وبەكتىلەردىڭ قۇرىلىسى تولىق ءجۇرىپ جاتىر جانە ولار قىركۇيەك ايىنىڭ سوڭىندا تولىق اياقتالادى. 2017 -جىلى پايدالانۋعا شامامەن بارلىعى 350 ءۇيدى تاپسىرۋ جوسپارلانىپ وتىر.