ليتۆا ماسكەۋگە نارازىلىق نوتاسىن تاپسىردى

استانا. قازاقپارات - رەسەي مەن بەلارۋس بىرلەسىپ وتكىزىپ جاتقان «باتىس-2017» اسكەري جاتتىعۋى بارىسىندا رەسەيلىك اسكەري جۇك تاسىمالداۋشى ەكى ۇشاقتىڭ 16- قىركۇيەكتە ليتۆانىڭ اۋە كەڭىستىگىنە كىرىپ كەتۋىنە بايلانىستى ليتۆا سىرتقى ىستەر مينيسترلىگى دۇيسەنبى كۇنى ماسكەۋگە نارازىلىق نوتاسىن تاپسىردى.

ۆيلنيۋس ماسكەۋدەن بولعان وقيعاعا بايلانىستى تۇسىنىك بەرۋىن جانە بولاشاقتا مۇنداي جايت قايتالانباسى ءۇشىن ءتيىستى شارالار قابىلداۋىن تالاپ ەتكەن.

رەسەي پرەزيدەنتى ۆلاديمير پۋتين «باتىس-2017» اسكەري جاتتىعۋىنىڭ بارىسىمەن تانىسۋ ءۇشىن دۇيسەنبى كۇنى لەنينگراد وبلىسىنداعى لۋجسكي اسكەري پوليگونىنا بارعان.

قىركۇيەكتىڭ 14 ءى كۇنى بەلارۋس پەن رەسەي تەرريتوريالارىندا باستالعان كولەمدى اسكەري جاتتىعۋلارعا 13 مىڭعا جۋىق ادام، جۇزدەگەن تانك، رەاكتيۆتى قارۋ جۇيەلەرى مەن مينومەتتەر، ونداعان كەمە جانە تىكۇشاقتار قاتىسىپ جاتىر. جاتتىعۋ سەناريى بويىنشا، رەسەي مەن بەلارۋس اسكەرى ويدان شىعارىلعان باتىس ەلدەرىنىڭ ارمياسىنا قارسى تويتارىس بەرەدى.

ن ا ت و ۇيىمى «باتىس-2017» جاتتىعۋى رەسەيدىڭ «ۇلكەن سوعىسقا» دايىندالىپ جاتقانىن بىلدىرەدى دەپ سانايدى.