رەسەيدە پرەزيدەنتتىك سايلاۋدىڭ وتەتىن كۇنى بەلگىلى بولدى

استانا. قازاقپارات - رەسەي پرەزيدەنتتىگىنە سايلاۋ 2018-جىلعى 18- ناۋرىزدا وتەدى.

بۇل جايلى رەسەي ورتالىق سايلاۋ كوميسسياسىنىڭ حاتشىسى مايا گريشينا مالىمدەدى، دەپ حابارلايدى ر ي ا نوۆوستي.

«5 ءى مەن 10 ى (ناۋرىزدىڭ) ارالىعىنداعى اپتادا ءبىر مەرەكە كۇنى بولعاندىقتان، سايلاۋ كەلەسى جەكسەنبىدە وتەدى. سوندىقتان ءبىز جۇرتتىڭ بارىنە قازىردەن-اق رەسمي جاريالايمىز، 18- ناۋرىزدا سايلاۋ وتەدى»، - دەيدى گريشينا رەسەي ەڭبەك مينيسترلىگىنىڭ كەلەر جىلعى دەمالىس جانە مەيرام كۇندەرى تۋرالى جوباسىنا پىكىر بىلدىرە وتىرىپ.

بۇرىن رەسەي ەڭبەك مينيسترلىگىندەگىلەر الەۋمەتتىك-ەڭبەك قاتىناستارىن رەتتەۋ جونىندەگى ۇكىمەت كوميسسياسىنىڭ 2018-جىلى دەمالىس كۇندەرىن كوشىرۋ كەستەسىن بەكىتكەنىن مالىمدەگەن بولاتىن.

قۇجاتقا سايكەس، رەسەيلىكتەر 8- ناۋرىزدان 11- ناۋرىزعا دەيىن دەمالادى.