عالىمدار جەر مەن مارستىڭ سوقتىعىسۋى مۇمكىن ەكەنىن ايتىپ، دابىل قاقتى

استانا. قازاقپارات - امەريكا عالىمدارى جەر مەن مارس سوقتىعىسۋى مۇمكىن دەگەن بولجام جاساۋدا دەپ حابارلايدى rosbalt.ru-عا سىلتەمە جاساعان Baq.kz.
None
None

زەرتتەۋشىلەر بۇعان مارستىڭ ءوز وربيتاسىنان اۋىتقۋى سەبەپ بولۋى مۇمكىن ەكەنىن، الايدا بولجامدى ۋاقىتقا دەيىن ميلليارد جىل بار ەكەنىن مالىمدەۋدە.

بۇل تۇجىرىم ۆيسكونسينداعى مەديسون ۋنيۆەرسيتەتىنىڭ سايتىندا جاريالاندى. عالىمدار سولتۇستىك امەريكاداعى كولورادو وزەنى شاتقالدارىنىڭ قاتپارى مەن قاباتتارىن باقىلاي كەلە، «كۇن جۇيەسىنىڭ رەتسىزدىگى» تەورياسىنا دالەل تاپقان كورىنەدى.

وسى تەورياعا سۇيەنە وتىرىپ، زەرتتەۋشىلەر اسپان دەنەلەرى اراسىندا قاقتىعىس بولۋى مۇمكىن دەگەن بولجام جاساپ وتىر. تاياۋ بولاشاقتا كۇن جۇيەسىنىڭ جۇمىسى تۇراقتى بولعانىمەن، ميللياردتاعان جىلداردان كەيىن مارس وربيتاسىنان اۋىتقۋى مۇمكىن دەسەدى.

مىنە، سول كەزدە ونىڭ جەرمەن سوقتىعىسىپ قالۋ قاۋپى زور ەكەن. وسىلايشا، عالىمدار عالامشارلار كۆازيپەريودتىق وربيتادا اينالىپ جۇرەدى دەگەن عىلىمداعى قالىپتاسقان تەوريانى جوققا شىعارۋدا.

سوڭعى جاڭالىقتار