يتاليا وقۋشىلارعا ءۇي تاپسىرماسى بەرىلمەيتىن وقۋ جۇيەسىن ەنگىزەدى

استانا. قازاقپارات - يتاليا مەكتەپتەرىندە ءبىلىم بەرۋدىڭ جاڭا ۇلگىسى سىناقتان وتكىزىلىپ جاتىر، دەپ جازادى حابار 24.
None
None

ەندى جاڭا ءادىس بويىنشا وقۋشىلارعا ءۇي تاپسىرماسى بەرىلمەيدى. يتاليانىڭ ءبىلىم مينيسترلىگى ۇسىنعان بۇل تاجىريبەگە ەلدىڭ 166 مەكتەبى قاتىسادى.

دەسە دە قازىردىڭ وزىندە مىڭداعان مۇعالىم مەن اتا-انا جاڭا جوباعا قولداۋ ءبىلدىرىپ وتىر. ەسىمىڭ كىم؟ - اندرەا

- مەكتەپتە ءۇي تاپسىرماسى بەرىلە مە؟

- جوق. ءبىزدىڭ مەكتەپتە بەرىلمەيدى.

- قازىر كەشكى ۋاقىتتا ساباق وقۋدىڭ ورنىنا نەمەن اينالىساسىڭ؟

- بوس ۋاقىتىمدى دوستارىممەن وتكىزەمىن. اتا-انامنىڭ مەنشىگىندە باقشاسى، ۇلكەن دۇكەن بار.

- دوستارىڭمەن نە ىستەيسىڭدەر؟

- دوپ، جاسىرىنباق وينايمىز. باقشا ۇلكەن بولعاندىقتان، ول جەر ويىنعا وتە قولايلى.

- جارايسىڭ!

جاڭا جوبانى قولداپ وتىرعان ۇستازدار مەن اتا-انالاردىڭ پىكىرىنشە، ءۇي تاپسىرماسى بالالاردىڭ الاڭسىز تىنىعۋىنا كەرى اسەرىن تيگىزەدى.

ياعني، ءۇي تاپسىرماسى ارقىلى وقۋشىنىڭ ءبىلىمى ارتپايدى. كەرىسىنشە، سترەسس پەن كيكىلجىڭ تۋدىرىپ، اقىرى بالانىڭ كوز جاسىنا اكەلىپ سوعادى. اتا-انالار العا تارتىپ وتىرعان نەگىزگى سەبەپتەر وسى. دانيلو كازەرتانو دا وقۋدىڭ ەسكى مەتوديكاسىنا قارسى 25 مىڭ ۇستاز بەن اتا-انانىڭ قاتارىندا.

 ايتا كەتەيىك، يتالياداعى «تەڭىزدەگى مەكتەپ» جوباسىنىڭ نەگىزىن قالاۋشى ۇستاز دارىستەرىن تازا اۋادا وتكىزەدى.

«ەكسپەريمەنت ءساتتى شىعۋى مۇمكىن. سەبەبى ءبىزدىڭ ەلىمىزدە دارىندى ۇستازدار وتە كوپ. بۇل وزگەرىس تەك قانا «ءۇي تاپسىرماسىنا تۇبەگەيلى قارسىلىقتان» تۋماۋى ءتيىس. كەرىسىنشە جاعدايدا، بالالاردى، ۇستازدار مەن اتا-انالاردى شاتاستىرىپ الۋ قاۋپى بار. ۇستازدار ءۇي تاپسىرماسىنسىز ءبىلىم بەرە الا ما؟ الدىمەن وسى ماسەلەنى باعامداۋ كەرەك. سەنىمدى بولعان كەزدە عانا جاڭا رەفورمانى ەنگىزۋگە بولادى. مىڭداعان باستاۋىش پەن ورتا سىنىپ وقۋشىلارى جاڭا وقۋ جىلىن وزگەرىسپەن باستايدى. ەندى ولار ۋاقىتىنىڭ باسىم بولىگىن سىنىپتا وتكىزەدى. تاڭەرتەڭ تەوريامەن، تۇستەن كەيىن پراكتيكامەن اينالىسادى. بۇل وزگەرىستەر وقۋشىلاردىڭ مەكتەپ باعدارلاماسىن قيىندىقسىز مەڭگەرۋىنە كەرى اسەرىن تيگىزبەۋى ءتيىس»، - دەيدى مۇعالىم دانيلو كازەرتانو.

يتاليا قولعا العالى وتىرعان جوبا بۇرىننان قولدانىستا بار. بۇل ءتاسىل فينليانديادا باستاۋ العان بولاتىن. قازىرگى تاڭدا اتالمىش ەلدىڭ ءبىلىم دەڭگەيى الەم بويىنشا ءبىرىنشى ورىندا. «كەشكىلىك وقۋلىقتان باس الماي وتىرعاننان گورى وتباسىلىق سەرۋەندى كوبەيتۋ كەرەك»، - دەپ ەسەپتەيدى فينليانديالىق پەداگوگتار.

 

سوڭعى جاڭالىقتار