وزبەكستان ورتالىق بانكى دوللاردىڭ جاڭا كۋرسىن بەلگىلەدى

تاشكەنت. قازاقپارات - وزبەكستاننىڭ ورتالىق بانكى 19- قىركۇيەكتەن باستاپ وزبەك سۋمىنا قاتىستى شەتەلدىك ۆاليۋتالاردىڭ جاڭا كۋرسىن بەلگىلەدى، دەپ حابارلايدى «قازاقپارات» ح ا ا uznews.uz سايتىنا سىلتەمە جاساپ.

وتكەن اپتامەن سالىستىرعاندا دوللاردىڭ كۋرسى 14.65 سۋمعا ارزانداپ، 8077.48 سۋم بولعان. ەۋرونىڭ كۋرسى 72.52 سۋمعا تومەندەپ، 9646.13 سۋمعا تۇسكەن.

«قازاقپارات» ح ا ا بۇرىن حابارلاعانىنداي، وزبەكستان پرەزيدەنتى 2017-جىلدىڭ 2- قىركۇيەگىندە ۆاليۋتا ساياساتىن ىرىقتاندىرۋعا قاتىستى جارلىققا قول قويعان بولاتىن.