قازاقستاندا ءدارى-دارمەك باعاسى قالاي رەتتەلەدى

استانا. قازاقپارات - دەنساۋلىق ساقتاۋ سالاسىنداعى سىبايلاس جەمقورلىققا قارسى كۇرەس جونىندەگى قوعامدىق كەڭەستىڭ كەڭەيتىلگەن وتىرىسىنان كەيىن ق ر دەنساۋلىق ساقتاۋ ءمينيسترى ەلجان ءبىرتانوۆ ءدارى-دارمەك باعاسىن رەتتەۋ اياسىندا جاسالاتىن شارالار جايىندا ايتىپ بەردى، دەپ حابارلايدى قازاقپارات.
None
None

«دارىلىك زاتتاردىڭ باعاسى ماسەلەسى بويىنشا زاڭ جوباسىن دايارلاپ قويدىق. اتاپ ايتقاندا، ءدارى-دارمەك باعاسىن رەتتەۋ مەن وسى پروتسەستىڭ اشىقتىعىن قامتاماسىز ەتۋ ءۇشىن ۋاقىت قاجەت ەكەنى بەلگىلى. الايدا وسى قىركۇيەكتە مەملەكەتتىك ساتىپ الۋ بولىگىندە بۇيرىققا وزگەرىستەر ەنگىزۋگە نيەتتىمىز. بۇل تۇرعىدا انىقتالعان پروبلەمالاردى ەسكەرە وتىرىپ، باعانىڭ ارى قاراي قالىپتاسۋىنا ىقپال ەتەتىن بولامىز»، - دەدى ءبىرتانوۆ.

ونىڭ سوزىنە قاراعاندا، ەكى جىل بۇرىن باعانى رەتتەۋدى جۇرگىزۋ كەزىندە مينيسترلىك كاسىپكەرلەردىڭ ادالدىعىنا سەنىم ارتقان، الايدا ولار بۇل ءۇمىتتى اقتامادى.

«انىقتالعانداي، ءوندىرۋشى كومپانيالار ءار ەلگە ءتۇرلى باعانى ۇسىنادى. ماسەلەن، ۆاكسينالار بويىنشا بىزگە ءبىر باعانى بەلگىلەسە، ت م د اياسىنداعى باسقا ەلگە ەكى ەسەگە ارزان بەرەدى. بۇل كومپانيانىڭ ديستريبۋتسيا ساياساتى جانە ءبىز بۇل جايىندا كوبىنەسە بىلە بەرمەيمىز. ءوز كەزەگىندە كومپانيالار وسى مۇمكىندىكتەرىن پايدالانىپ، باعانى ەكى-ءۇش ەسەگە ارتتىرۋدان تايىنبايدى. ءبىز بولساق، ءونىمدى الۋعا ءماجبۇرمىز، سەبەبى ءونىم باعاسىن بىرنەشە تيىنعا تومەندەتكەندەر جەڭىمپاز اتانىپ جاتادى. كەيىننەن باعانىڭ جوعارى بولعانى انىقتالادى»، - دەدى ءبىرتانوۆ.

بۇل ماسەلە بويىنشا ەندى جالپى ۇستانىم وزگەرىسكە ۇشىراپ جاتىر.

«ءوندىرۋشى كومپانيالارمەن تىكەلەي كەلىسسوزدەر جۇرگىزە وتىرىپ، ولاردان زاۋىت باعاسىمەن ءونىم الامىز. ءبىز اتالعان زاڭ جوباسى بويىنشا وندىرۋشىلەرمەن تالقىلاۋلار جۇرگىزۋدەمىز جانە ولار بۇل تۇرعىدا تۇسىنىستىك تانىتۋدا. وسىنداي قادامدار، حالىقارالىق تاجىريبە بار. ارينە، ءبىزدىڭ فارماتسيەۆتيكالىق بيزنەستىڭ، ديستريبيۋتەرلەردىڭ، ءدارىحانالاردىڭ تاراپىنان بەلگىلى ءبىر قارسىلىق بار، سوندىقتان بىزگە ترانسپارەنتتىلىك پەن اشىقتىق كەرەك. بۇل حالىقتىڭ مۇددەسى ءۇشىن جاسالادى»، - دەدى ول.

سوڭعى جاڭالىقتار