پاۆلودار اكىمى قىتايدا ينۆەستور ىزدەپ ءجۇر
پاۆلودار وبلىسى اكىمىنىڭ باسپا ءسوز قىزمەتى تاراتقان اقپاراتقا سۇيەنسەك، بۇل ساپاردىڭ باستى ماقساتى - حالىقارالىق ىنتىماقتاستىققا ينۆەستيتسيا تارتۋ. رەسمي ساپاردىڭ العاشقى كۇنى پاۆلودارلىق دەلەگاتسيا قىتاي ەلىندەگى ەڭ ءىرى كاسىپورىنداردىڭ ءبىرى - YEMA كورپوراتسياسىنىڭ وكىلدەرىمەن كەزدەستى.
«YEMA GROUP CO. , LTD» ۇرىمجىدە جوعارى تەحنولوگيالاردى دامىتۋ جانە مەڭگەرۋ وندىرىستىك ايماعىندا ورنالاسقان. كورپوراتسيانىڭ جارعىلىق كاپيتالى 150 ميلليون قىتاي يۋانىن قۇرايدى. بۇل كومپانيا 20 جىلدىڭ ىشىندە سىرتقى ەكونوميكامەن، قارجى ينستيتۋتتارىمەن، مادەني تۋريزممەن جانە سالاارالىق قىزمەتپەن اينالىساتىن كومپانياعا اينالعان.
بۇل كاسىپورىن «باستى كاسىپورىن»، شىنجاڭ بانك كونسورتسيۋمىنىڭ «نەسيە بويىنشا ادال كاسىپورنى» جانە «پارتيالىق قۇرىلىس پەن شارۋاشىلىق بويىنشا مىقتى كاسىپورىن» اتاقتارىنا يە بولعان.
قازىرگى تاڭدا كورپوراتسيانىڭ سىرتقى ساۋدا- ەكونوميكالىق پلاتفورماسى سەگىز ەنشىلەس فيرماسى بار. نەگىزگى ساۋدا جۇرگىزىلەتىن سەرىكتەس مەملەكەتتەر ورتالىق ازيا مەن رەسەي بولىپ ەسەپتەلەدى. YEMA باسشىسى چەن گاڭ اتاپ وتكەندەي، بۇگىنگى تاڭدا قىتاي مەن قازاقستان اراسىندا شەكارانىڭ بەس ۋچاسكەسى اشىق، سوندىقتان مەملەكەتتەر اراسىنداعى قارىم- قاتىناستى رەتتەپ، ينۆەستيسيا سالۋ ءۇشىن ەشبىر كەدەرگى جوق.
«باسىندا ءبىز سىزدەرگە ءىرى قىتاي كومپانيالارىمەن بايلانىس جانە اۋىلشارۋاشىلىعى سالاسىندا ىنتاماقتاستىق ورناتۋ ءۇشىن كوپىر رەتىندە قىزمەت ەتۋگە دايىنبىز. سىزدەردىڭ ونىمدەرىڭىز ەكولوگيالىق تۇرعىدان ەڭ تازا بولىپ ەسەپتەلەدى. ال، بىزگە بۇل وتە قاجەت. سونىمەن قاتار، قىتايدا ساتۋعا بولاتىن بيتۋم شىعاراسىزدار»، - دەدى چەن گان.
بولات باقاۋوۆ قابىلداۋشى تاراپقا العىس ءبىلدىرىپ، بۇگىنگى كۇنى پاۆلودار وبلىسىندا قىتاي كومپانيالارى مۇناي وڭدەۋ زاۋىتتارىندا قۇرىلىسپەن اينالىساتىنىن اتاپ ءوتتى.
«ءبىز سىزدەردى وزىمىزدە ينۆەستور رەتىندە كورگىمىز كەلەدى. پاۆلوداردا الەۋمەتتىك- ەكونوميكالىق ايماق بار. سول جەردە ينۆەستورلارعا جاقسى مۇمكىندىكتەر ۇسىنىلادى. سىزدەردى سول جەردە كۇتەمىز جانە كەز كەلگەن قولداۋ كورسەتۋگە دايىنبىز. ءتيىپ- قاشىپ جۇمىس ىستەۋ وتە اۋىر. سوندىقتان سىزدەرگە نە كەرەك ەكەنىن جانە بىزدەن قانداي كومەك بولاتىنىن انىقتاۋ كەرەك. سىزدەردىڭ قىتاي بويىنشا بايلانىستارىڭىز نىعايعان. كومپانيالارىڭىز ءبىزدىڭ وبلىسقا باسقا ينۆەستورلاردى تارتۋعا كومەكتەسەدى دەگەن ۇمىتتەمىز. پاۆلودارلىق دەلەگاتسيا بۇدان كەيىن شانشي پروۆينسياسىندا اۋىل شارۋاشىلىعى ونىمدەرى بويىنشا قىتاي كورمەسىنىڭ بەسىنشى سەسسياسىندا بولادى دەپ كۇتىلۋدە»، - دەدى ءوڭىر باسشىسى.
