وڭتۇستىك قازاقستانعا كەلگەن گرەكيا ەلشىسى اسسامبلەيا مۇشەلەرىمەن كەزدەستى
ساپار بارىسىندا ەلشى وبلىستىق اسسامبلەيانىڭ جۇمىسىمەن تانىسىپ، گرەك ەتنومادني بىرلەستىگىنىڭ مۇشەلەرىمەن بەيرەسمي جاعدايدا كەزدەستى، دەپ حابارلايدى قازاقپارات ح ا ا ءتىلشىسى.
باس قوسۋعا وبلىستىق قازاقستان حالقى اسسامبلەياسى ءتوراعاسىنىڭ ورىنباسارى مۇرات قالمۇراتوۆ قاتىسىپ، وڭىردە قوعامدىق كەلىسىم مەن بىرلىكتى نىعايتۋ، ەتنوس وكىلدەرىنىڭ ەكونوميكانى ىلگەرىلەتۋگە قوسىپ جاتقان ۇلەسى جايىندا اقپارات بەردى.
ال، گرەكيا ەلشىسى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ باستاماسىمەن ەل ساياساتىن جۇزەگە اسىرۋ ءۇشىن قۇرىلعان، الەمدە تەڭدەسى جوق ينستيتۋت - قازاقستان حالقى اسسامبلەياسى جايىندا ايتا كەلە، ەتنومادەني بىرلەستىكتەر قىزمەتىن دامىتۋعا بارلىق جاعداي جاسالعانىن تىلگە تيەك ەتتى.
سونداي-اق، كەزدەسۋ بارىسىندا ەكى ەل اراسىنداعى مادەني ىقپالداستىقتى ارتتىرىپ، ەكونوميكالىق بايلانىستاردى نىعايتۋ جايى دا ءسوز بولدى.
