اسكەري ازاماتتار جەكە باسپانانى قالاي ساتىپ الادى

بانك باسشىسى لياززات يبراگيموۆانىڭ ايتۋىنشا، اسكەري ازاماتتار نەسيەنى بىرنەشە ماقساتقا - كوپپاتەرلى تۇرعىن ۇيدەن باسپانا الۋعا، جەكە ءۇيدى ساتىپ الۋعا، جەر ۋچاسكەسىنە، ءۇيدى جوندەۋگە، سونداي- اق باسقا بانكتىڭ يپوتەكاسىنا العاشقى جارنا رەتىندە سالۋ ءۇشىن الا الادى.
«ونداي نەسيەلەر 5 پايىزبەن بەرىلەدى. سوسىن «اسكەري» دەگەن نەسيە بولادى. ونىڭ شارتىنا سايكەس، العاشقى جارنانىڭ 30 پايىزىن جيناپ، باسپاناعا نەسيە الۋعا بولادى»، - دەيدى يبراگيموۆا.
ايتا كەتەيىك، بۇگىن پارلامەنت ماجىلىسىندە اسكەري ازاماتتاردى تۇرعىن ۇيمەن قامتۋدىڭ جاڭا جۇيەسىنە ارنالعان زاڭ جوباسى تانىستىرىلدى. وعان سايكەس، ىشكى ىستەر ورگاندارى، ۇلتتىق قاۋىپسىزدىك قىزمەتى، اسكەري پروكۋراتۋرا مەن قارۋلى كۇشتەرى قىزمەكتەرلەرىنە باسپانانى جالعا الۋعا بولىنەتىن قارجى ارنايى ەسەپ- شوتتاردا جينالادى.
ق ر قورعانىس ۆيتسە- ءمينيسترى ءابىلقايىر ىسقاقوۆتىڭ ايتۋىنشا، بۇگىندە اسكەري ازاماتتاردىڭ تەك ءبىرىنشى كاتەگورياسى، ياعني ەڭبەك ءوتىلى 10 جىلعا دەيىنگى قىزمەتكەرلەرگە عانا باسپانانى جالعا الۋ ءۇشىن جىل سايىن 47 ميلليارد تەڭگە جۇمسالادى. كەلەسى جىلدا اتالعان سومما تاعى 14 ميللياردقا وسەدى.
«قازىرگى جۇيە قالا بەرسە، بيۋدجەتتەن قىرۋار اقشا كەتەدى. ال اسكەري ازاماتتار باسپانالى بولا المايدى. ماسەلەن، استانادا 4 ادامنان تۇراتىن ءبىر اسكەريدىڭ وتباسىنا اي سايىن 200 مىڭ تەڭگەدەي بەرىلەدى. سوندا 25 جىلدىڭ ىشىندە ءبىر وتباسىعا 50 ميلليون تەڭگە كەتەيىن دەپ تۇر. ول بيۋدجەتكە دە، اسكەري ادامنىڭ وزىنە دە ءتيىمدى ەمەس»، - دەيدى ىسقاقوۆ.
ونىڭ سوزىنە قاراعاندا، جاڭا نورما بويىنشا اسكەري ازامات 15 جىلدا ءوز پاتەرىنە كىرە الادى. وعان سايكەس، باسپانانى جالعا الۋعا بولىنەتىن وتەماقى بانك ەسەپ- شوتتارىنا اۋدارىلادى. ءسويتىپ، جەكە باسپاناعا اقشا جيناۋعا جاعداي جاسالادى.
اۆتور: ارمان اسقاروۆ