قازاقستاندىق رەلس ونىمدەرى وزبەكستانعا ەكسپورتتالاتىن بولدى
«ق ت ج» ۇك» ا ق باسشىسى قانات الپىسبايەۆ باستاعان دەلەگاتسياسى تاشكەنتتەگى 2- قازاقستان- وزبەكستان بيزنەس- فورۋمى اياسىنداعى قازاقستاندىق تاۋار وندىرۋشىلەردىڭ كورمەسىنە قاتىستى، دەپ حابارلايدى «قازاقستان تەمىر جولى» ۇ ك» ا ق- نىڭ باسپا ءسوز قىزمەتى.
كورمەگە اقتوبە رەلس ارقالىعى زاۋىتىنىڭ ونىمدەرى، «تۇلپار- تالگو» زاۋىتىنىڭ جولاۋشىلار ۆاگوندارى، تەپلوۆوزدار مەن ەلەكتروۆوزدار قويىلدى. تاشكەنت تەمىرجول ستانسياسىنا قازاقستاندىق كورمەگە قاتىسۋشىلار تەپلوۆوز، ەلەكتروۆوز، «تۇلپار- تالگو» جولاۋشىلار ۆاگوندارىن ورنالاستىردى. ق. الپىسبايەۆ قازاقستاندا تەمىرجول كولىگى ماشينالارى كلاستەرى قالىپتاسقاندىعى تۋرالى باياندادى.
«مەملەكەت باسشىسىنىڭ تاپسىرماسىمەن يندۋستريالىق- يننوۆاتسيالىق دامۋدىڭ مەملەكەتتىك باعدارلاماسى اياسىندا تەمىرجول كولىگى ماشينالارى كلاستەرى قالىپتاستى» ، - دەپ اتاپ ءوتتى ق. الپىسبايەۆ. ونىڭ ايتۋىنشا، «كومپانيا ماشينا جاساۋ سالاسىنداعى الەمدىك - «General Electric», «Alstom», «Patentes Talgo S.L.», «SIEMENS» سەكىلدى جەتەكشى كومپانيالارمەن سوڭعى ۇلگىدەگى جىلجىمالى قۇرامدى قۇراستىرۋدا وزىق يننوۆاتسيالىق تەحنولوگيالاردى قولدانۋدا».
قازىرگى تاڭدا قازاقستاندىق كاسىپورىندار جۇك جانە جولاۋشىلار تەپلوۆوزدارىن، ەلەكتروۆوزدارىن، جولاۋشىلار جانە جۇك ۆاگوندارىن شىعارادى. جولدىڭ ۇستىڭگى قاباتىنا قاجەتتى ماتەريالداردى وندىرەدى. قازاقستاندىق كاسىپورىنداردان شىققان تەمىرجول كولىكتەرى ەكسپورتتىق سۇرانىسقا يە. ساراپتاۋلاردىڭ قورىتىندىسىنا قاراعاندا، جالپى كولەمى 3 ميلليارد ا ق ش دوللار بولاتىن ونىمدەر 18 مەملەكەتكە وتكىزىلۋدە. تەمىرجول كولىگى ونىمدەرى كورشىلەس مەملەكەتتەر وزبەكستان، تۇركمەنستان، تاجىكستان، قىرعىزستان، ءازىربايجان، ۋكرايناعا ەكسپورتتالدى. اسىرەسە، قازاقستان مەن وزبەكستان اراسىنداعى تەمىرجول كولىكتەرىنىڭ بولشەكتەرىن ءوندىرۋ سالاسىنداعى سەرىكتەستىكتىڭ قارقىنى جوعارى.
قازىرگى تاڭدا وزبەك تەمىرجولىنا المالىق تاۋ كەن مەتاللۋرگيالىق ونىمدەرىنىڭ 1 مىڭ تونناسى، اقتوبە رەلس ارقالىعى زاۋىتىنىڭ 3,9 مىڭ توننا ونىمدەرى جەتكىزىلدى. «ق ت ج» ۇ ك» ا ق كورمەدەگى پاۆيلونىمەن تانىسقان ق ر پرەزيدەنتى ن. نازاربايەۆ قازاقستاندىق كاسىپورىنداردىڭ وزبەك تەمىرجولىن جاڭعىرتۋعا قاتىسۋى جونىندە كەلىسسوزدەر جۇرگىزىلۋدە. سونداي- اق مەملەكەت باسشىسى قازاقستان مەن وزبەكستان اراسىنداعى جولاۋشىلارعا ارنالعان جۇردەك پويىزداردىڭ قوزعالىسى تۋرالى سۇرادى.
ق. الپىسبايەۆ مەملەكەت باسشىسىنا «الماتى- تاشكەنت باعدارىنا «تۇلپار- تالگو» جۇردەك پويىزى قاتىناپ جاتقاندىعىن، ونىڭ جولدى 30 ساعاتتان 17 ساعاتقا دەيىن قىسقارتقاندىعىن جەتكىزدى. قازاقستان- وزبەك بيزنەس فورۋمى اياسىندا «ق ت ج» ۇك» ا ق مەن «ۋتي» ا ق اراسىندا ستراتەگيالىق سەرىكتەستىك تۋرالى كەلىسىمگە قول قويىلدى ول كەلىسىم بويىنشا ق ت ج بيىلعى جىل اياعىنا دەيىن وزبەكستانعا 5 مىڭ توننا رەلس ونىمدەرىن جەتكىزۋگە ۋاعدالاستى. بيزنەس فورۋم اياسىندا وزبەكستانعا جىلىنا 13,5 مىڭ توننا تەمىرجول ونىمدەرىن جەتكىزۋگە ۇزاقمەرزىمدىك كەلىسىمگە قول قويىلدى.
2020 -جىلدارعا دەيىن وزبەك تەمىرجولىنا 40 مىڭ توننا رەلس ونىمدەرىن جەتكىزۋ جوسپارلانىپ وتىر. قازاقستان رەسپۋبليكاسى پرەزيدەنتى مەن وزبەكستان رەسپۋبليكاسىنىڭ پرەزيدەنتى شاۆكات ميرزيەۆپەن رەسمي كەزدەسۋى اياسىندا «قازاقستان تەمىر جولى» ۇ ك» ا ق مەن «ۋزبەكيستون تەمير يۋللاري» ا ق اراسىندا سترەتەگيالىق سەرىكتەستىك تۋرالى كەلىسىمگە» قول قويىلدى. بۇل ماڭىزدى قۇجات بويىنشا تاراپتاردىڭ اۋماعىمەن وتەتىن پويىزدارعا قىزمەت كورسەتۋدە جانە تەمىرجول ونىمدەرىن ەكسپورتتاۋدا ەكى ەل اراسىندا ءوزارا ءتيىمدى حالىقارالىق كولىك باعدارىنا باسەكەلەستىككە ساي قىزمەت كورسەتۋ قاراستىرىلادى.
