نۇرلان ەرمەكبايەۆ: مەملەكەتتىك ورگانداردا جات ءدىني اعىمداردىڭ وكىلدەرى بايقالمادى
دەپ حابارلايدى قازاقپارات.
«دەسترۋكتيۆتى ءتۇرلى ءدىني اعىمداردىڭ وكىلدەرىنە توقتالاتىن بولساق، ولار ەلىمىزدە بار جانە وسى ادامدارمەن ءتيىستى ءتۇسىندىرۋ جۇمىستارى ءجۇرىپ جاتىر. بۇل ولاردىڭ جەكە وزدەرىنىڭ جاڭىلىسۋى، سونداي- اق ءدىندى دۇرىس تۇسىنبەۋدىڭ سيپاتى. الايدا وسى ادامداردىڭ مەملەكەتتىك ورگانداردا قىزمەت ەتۋى جايىندا بىلمەيمىن. مەنىڭ ويىمشا، مەملەكەتتىك ورگانداردا وسىنداي ادامدار جوق»، - دەدى مينيستر تىلشىلەر ساۋالىنا جاۋاپ بەرۋ كەزىندە.
ماجىلىستەگى ۇكىمەت ساعاتى بارىسىندا ن. ەرمەكبايەۆ كونستيتۋتسيا مەن زاڭدار بويىنشا بارلىق دىندەر تەڭ بولىپ وتىرعانىن، بىردە ءبىر ءدىن وزگە دىندەر الدىندا ارتىقشىلىققا يە ەمەس ەكەنىن ەسكە سالىپ ءوتتى.
«بۇگىنگى كۇنى ءدىني بىرلەستىكتەرمەن بىرگە ەڭسەرەتىن ءبىرقاتار سىن- قاتەرلەر تۇر. بىرىنشىدەن، سوڭعى جىلدارى ازاماتتار دىنشىلدىگىنىڭ جىلدام ءوسۋى - ءدىني مادەنيەتتىڭ دۇرىس قالىپتاسۋىنان جانە ءدىني دوگمالاردى سىني قابىلداۋدان وزىپ كەتتى. كەيبىر ءدىنشىل ادامدار ءدىني قاعيدالاردى سوزبە- ءسوز بۇلجىتپاي ورىنداپ، زاڭدار مەن زايىرلى عيبراتتارىنان جوعارى ورىنعا قويىپ وتىر. بۇل وتباسىنداعى، سونداي- اق جالپى مەملەكەتتىك كۇردەلى سىن- قاتەرلەردىڭ، شيەلەنىستەردىڭ شىعۋ كوزى»، - دەيدى ن. ەرمەكبايەۆ.
بۇدان بولەك ول ەلىمىزدىڭ ءدىني اۋديتورياسىنا سىرتقى تەرىس ىقپالدار كۇشەيگەنىن ءسوز ەتتى. بۇعان اقپاراتتىق كەڭىستىكتىڭ اشىقتىعى جانە جاھاندانۋ پروتسەستەرى ىقپال ەتۋدە. ينتەرنەت، الەۋمەتتىك جەلىلەر مەن باسقا دا كوممۋنيكاتسيالىق قۇرالدار تۇرعىندار ساناسىنا جاپپاي يدەولوگيالىق اسەر ەتۋگە مۇمكىندىك بەرەدى.
اۆتور: رۋسلان عابباسوۆ
