قازاقستان مەن وزبەكستان باسشىلارى ەكىجاقتى قارىم- قاتىناسقا تىڭ سەرپىن بەرە ءبىلدى - قارين

ەرلان قاريننىڭ ايتۋىنشا، مەملەكەت باسشىسىنىڭ كورشىلەس ەلگە جاساعان ساپارىنا مەملەكەتتىك مارتەبە بەرىلگەن.
«قوس تاراپ تا بۇل ءىسساپارعا وزىق ءارى تاريحي دەپ باعا بەرىپ جاتىر. جانە بۇل مىنەزدەمەلەر كەزەكتى ديپلوماتيالىق پوليتەس ەمەس، ناقتى جاعدايدىڭ كورىنىسى ەكەنى ءسوزسىز. ءبىرسىپىرا قۇجاتتارعا قول قويىلىپ، سەرىكتەستىكتىڭ كوكجيەكتەرى كەڭەيە ءتۇستى، جوعارى دەڭگەيدە كۇتىپ الۋدىڭ جاڭا ءداستۇرى پايدا بولدى. وزبەك تارابى قازاقتاندىق كوشباسشىنىڭ كەلگەنىنە وتە قاتتى دايىندالىپ، ءتىپتى باعدارلاماعا تولە بي كەسەنەسىنە باس سۇعۋدى، نۇرسۇلتان نازاربايەۆتىڭ كىتابىن وزبەك تىلىندە شىعارۋدى قوسىپتى»، - دەيلى ول فەيسبۋكتەگى پاراقشاسىندا.
قارين ءوز سوزىندە وزبەك باسشىسىنىڭ قازاقستان پرەزيدەنتىنە دەگەن ەرەكشە ىقىلاسىن اتاپ ءوتىپ، نۇرسۇلتان نازاربايەۆتىڭ وتكەن جىلدىڭ قىركۇيەك ايىندا وزبەكستانعا بارعانىن ەسكە الادى.
«بۇل ساپار قازاقستاندىق- وزبەكستاندىق قارىم- قاتىناس قانداي مازمۇندا ءوربيتىنىن ايقىنداپ بەردى. و باستا وزگە دە بولجامدار ايتىلعان ەدى. الايدا قوس ەلدىڭ كوشباسشىلارى ءبىر جىلدىڭ ىشىندە عانا ەكىجاقتى قارىم- قاتىناسقا تىڭ سەرپىن بەرە ءبىلدى. وتكەن جىلدىڭ قىركۇيەك ايىندا نۇرسۇلتان نازاربايەۆ پەن شاۆكات ميرزيەيەۆ جەتى مارتە تەلەفون ارقىلى سويلەسكەن ەدى. ناۋرىز ايىندا وزبەكستان پرەزيدەنتى قازاقستانعا رەسمي ساپار جاساپ، ودان كەيىن ارادا بىرەر اپتادان سوڭ ەكى ەلدىڭ باسشىلارى سارىاعاشتا كەزدەسكەن بولاتىن. شىلدەدە وزبەكستان كوشباسشىسى شاڭحاي ىنتىماقتاستىق ۇيىمىنا مۇشە ەلدەردىڭ باسشىلارى كەڭەسى اياسىندا استانادا بولعان ەدى. قىركۇيەك ايىنىڭ باسىندا عانا شاۆكات ميرزيەيەۆ يسلام ىنتىماقتاستىعى ۇيىمىنىڭ سامميتىنە قاتىسقان»، - دەيدى قارين.
قاريننىڭ ايتۋىنشا، ەكى جاقتى ساۋدا 35 پايىزعا ارتقان. سونىمەن قاتار، ەكى ەلدىڭ اراسىندا جوسپار بويىنشا شەكارالاستىق تۇرعىسىندا ماسەلەلەر شەشىلۋدە.
«ەكى كوشباسشىدا ايماقتىق سەرىكتەستىك پروتسەسىنە دەم بەرۋگە تىرىسىپ جاتىر. سوندىقتان، قازاق- وزبەك قارىم- قاتىناسىنىڭ جاندانۋى ارقىلى جالپى ورتالىق ازياداعى ايماقتىق سەرىكتەستىكتى قايتا قوسۋعا مۇمكىندىك تۋىپ وتىر»، - دەيدى ول.
ەسكە سالا كەتسەك، قازاقستان پرەزيدەنتى نۇرسۇلتان نازاربايەۆ وزبەكستان مەن تۇرىكمەنستان ەلىنە رەسمي ساپارمەن باردى.
ايان بەكەن ۇلى