نۇرسۇلتان نازاربايەۆ بىتىمگەر بولۋ سىرىن ءتۇسىندىردى

«نەلىكتەن بىتىمگەرمىن، مەنى نەلىكتەن شاقىرادى؟ الەمدىك ءداستۇرلى دىندەر سەزى بىزدە نەلىكتەن وتەدى؟ سيريا، ۋكراينا، تۇركيا مەن رەسەي ماسەلەسى نە ءۇشىن بىزدە شەشىلەدى؟ ويتكەنى، ءبىزدى بىردە ءبىر مەملەكەتپەن قاراما-قايشىلىق، ۇرىس-كەرىس جوق. ءبىز ىشىمىزدە بەيبىتشىلىكتە، كورشىلەرىمىزبەن تاتۋ-ءتاتتى ءومىر سۇرۋدەمىز. بۇل دامۋدىڭ باستى تارماعى»، - دەدى نۇرسۇلتان نازاربايەۆ.
وسى رەتتە ەلباسى سيريا ماسەلەسىنە توقتالىپ، سوعىس بولىپ جاتقان كەزدە ەشقانداي دامۋدىڭ بولمايتىندىعىن باسا ايتتى.
«ادامزات بالاسىنىڭ پالميرا سىندى ەڭ ۇزدىك ەسكەرتكىشتەرى بومبالانعان كەزدە سيريادا قانداي دامۋ بولماق. ەڭ ۇزدىك ەسكەرتكىشتەر بومبانىڭ استىندا قالىپ، حالىق بوسقىنعا اينالدى. بوسقىندار سانى 5 ميلليون ادامعا جەتىپ وتىر. ول ادامداردىڭ جاي-كۇيىن ويلاۋدىڭ ءوزى قورقىنىشتى، قۇداي باسقا سالماسىن. ول جاقتا گۋمانيتارلىق اپات تا ورىن الۋدا جانە ءبىز كومەك جىبەرىپ جاتىرمىز»، - دەدى قازاقستان پرەزيدەنتى.
اۆتور: مارلان جيەمباي