قازاقستاندا مەشىتتەردەگى ءتارتىپتىڭ ءبىرىڭعاي ەرەجەسى بەكىتىلەدى
بۇل تۋرالى بۇگىن پارلامەنت ماجىلىسىندەگى ۇكىمەت ساعاتىندا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ءمالىم ەتتى، دەپ حابارلايدى قازاقپارات.
«قازاقستان مۇسىلماندارى ءدىني باسقارماسىنا ءبىزدىڭ ۇسىنىس بويىنشا مەشىتتەردەگى ءتارتىپتىڭ ءبىرىڭعاي ەرەجەسى دايارلانىپ ەنگىزىلدى»،- دەدى نۇرلان ەرمەكبايەۆ.
ونىڭ اتاپ وتۋىنشە، سوڭعى كەزدەرى قازاقستاندا ءدال ءبىر جورالعى وڭىرلەرلەگى يمامدارمەن ءارتۇرلى جاسالاتىندىعىنا شاعىمدار جيىلەپ كەتكەن.
«سوندىقتان دا ق م د ب- عا جورالعىلاردىڭ بولىگىن ءبىر ىزگە سالۋ جايىندا ۇسىنىس جاسادىق، قازىرگى كەزدە بۇل ۇدەرىس ءجۇرىپ جاتىر»، - دەپ ناقتىلادى ۆەدومستۆو باسشىسى.
ەرمەكبايەۆتىڭ ايتۋىنشا، يمامدار جۇمىسىنىڭ فورماتىن وزگەرتۋ بويىنشا ءتيىستى شارالار قابىلداندى.
«كەڭەيتىلگەن ءتۇسىندىرۋ جۇمىستارى نەگىزىنەن ءدىندارلار اراسىندا جانە ءدىني عيماراتتاردا دا جۇرگىزىلۋدە. قازاقستان مۇسىلماندارى ءدىني باسقارماسى باسشىلىعىمەن بىرلەسە بىلىكتى يمامداردىڭ پۋلى قۇرىلىپ، ولار دەسترۋكتيۆتى اعىمداردىڭ وكىلدەرىمەن اتاۋلى جۇمىستاردى اتقارۋعا نەگىزدەلگەن»، - دەدى مينيستر.
بۇدان بۇرىن حابارلانعانداي، ۇكىمەت ساعاتىندا ق ر ءدىن ىستەرى جانە ازاماتتىق قوعام ءمينيسترى قازاقستاننىڭ ءدىني اۋديتورياسىنا سىرتقى تەرىس اسەرلەر كۇشەيگەنىن ءمالىم ەتكەن بولاتىن.
اۆتور: رۋسلان عابباسوۆ
