قازاق ءتىلى حالىقتى بىرىكتىرەدى - ق ر پرەزيدەنتى

تاراز. قازاقپارات - قازاق ءتىلى حالىقتى بىرىكتىرەدى. بۇل تۋرالى بۇگىن تارازداعى دوستىق ۇيىندە جامبىل وبلىستىق قازاقستان حالقى اسسامبلەياسى مۇشەلەرىمەن كەزدەسكەن ەلباسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات.
None
None

جۇزدەسۋ بارىسىندا قازاقستان پرەزيدەنتى كۇنى كەشە عانا وزبەكستانعا مەملەكەتتىك ساپارمەن بارىپ كەلگەنىن، ەكى ەلدىڭ اراسىنداعى بارلىق قاتىناستار جان-جاقتى دامىپ، جاقسارىپ كەلە جاتقانىن ايتتى. سونداي-اق حالىقتى رۋحاني جاڭعىرتۋ ماسەلەسىنە توقتالدى.

«رۋحاني جاڭعىرۋ - بۇل بوس ءسوز ەمەس. قازىرگى ۋاقىتتا الەم وزگەرۋدە، ءبىز، اسىرەسە جاستار وعان بەيىمدەلۋى كەرەك. اقپاراتتىق تەحنولوگيالار الەمى جاڭا ءبىلىمدى، جاڭا تۇسىنىكتەردى تالاپ ەتەدى. ۋاقىت وقتاي زىمىراۋدا. قوعام دا، الەمدە دامۋ ۇستىندە. ءبىز ودان قالىپ قويماۋعا ءتيىسپىز. سوندىقتان ادام ەڭ الدىمەن ءوزىن وزگەرتىپ، كۇن سايىن، ءومىر بوي وقۋى ءتيىس. ۋنيۆەرسيەتتى ءبىتىرىپ، ديپلومدى قالتاعا سالىپ قويۋ جارامايدى. ارتتا قالىپ قويعىڭ كەلمەسە ءومىر بويى وقى. بۇل رەتتە جاستار ءۇشىن بەيتانىس ەشتەڭە دە جوق»، - دەدى ەلباسى.

سونىمەن قاتار نۇرسۇلتان نازاربايەۆ قاجەتسىنگەن ادام كەز كەلگەن ءتىلدى ۇيرەنە الاتىندىعىن باسا اتاپ ءوتتى.

«مەنىڭشە، مەملەكەتتىك ءتىل قازاق ءتىلىن ادامداردىڭ باسىم بولىگى تۇسىنگەن جاعدايدا ول بىرىگۋدىڭ، جاقىنداسۋدىڭ بەلگىسى بولار ەدى. ەگەر سەن ءبىر ەلدىڭ ءتىلىن بىلسەڭ، وندا سەنى بارعان جەرىڭدە جاقسى كورەدى. شەت ەلگە بارعاندا اعىلشىن ءتىلىن بىلسەڭ ولارعا جاقىن بولاسىڭ. نەمىسكە بارىپ، نەمىستىڭ ءتىلىن بىلسەك، ولارعا جاقىن بولاسىڭ. سول سياقتى قازاق ءتىلى ەلدەردى بىرىكتىرەدى. ماقسات - وسى»، - دەدى قازاقستان پرەزيدەنتى.

ەلباسى قازاقستاندا ەشكىمدى دە قازاق ءتىلىن بىلۋگە ءتيىسسىڭ دەپ ماجبۇرلەمەيتىندىگىن، ءار ۇلت ءوزىنىڭ ءتىلىن، مادەنيەت، سالت-ءداستۇرىن دامىتۋعا بارلىق مۇمكىندىگى بار ەكەندىگىن ايرىقشا ايتتى.

اۆتور: مارلان جيەمباي

سوڭعى جاڭالىقتار