پەداگوگ پەن اتا-انانىڭ قولداۋى بولسا بالالار جەتىستىككە جەتەدى - اسا دارىندى بالا ابزالدىڭ اكەسى
فيزيكا مەن ماتەماتيكا پاندەرىنەن جوعارى بالل العان ابزال مىرزاش قازاقستان- بريتان تەحنيكالىق ۋنيۆەرسيتەتىنىڭ ەڭ جاس ستۋدەنتى اتانىپ وتىر، - دەپ حابارلايدى Tengrinews.kz ءتىلشىسى.
ابزالدىڭ اكەسى داۋرەنبەك مىرزاش ۇلى ۇنەمى ۇلىنىڭ دارىندىلىعىنا سەنىپ، ءاردايىم ءبىلىم الۋعا دەگەن قۇلشىنىسىنا قولداۋ ءبىلدىرىپ وتىرعان. اكەسىنىڭ ايتۋىنشا، پەداگوگ پەن اتا- انانىڭ قولداۋى بولسا بالالار كوپ جەتىستىككە جەتەدى. اتا-اناسى مەن پەداگوگتەر بالانىڭ دارىندى ەكەنىن ونىڭ كىشكەنتاي كەزىنەن-اق بايقاعان.
ول ەكى جاسىندا كولىكتەردىڭ بارلىق ماركالارىن بىلگەن. ال وعان ءالىپبيدى كورسەتكەن كەزدە بالا بىردەن بارلىق ءارىپتى ەسىنە ساقتاعان. ءۇش جاسقا كەلگەنشە ميلليونعا دەيىن، ءتىپتى تريلليونعا دەيىن ساناي العان. ال ۇشكە تولعاندا بارلىق ساندى ءبىلىپ، 2-3 تاڭبالى سانداردى وقي العان.
ءتورت جاسىندا كوبەيتۋ كەستەسىن جاتقا ءبىلىپ، 2-3 تاڭبالى سانداردى ءبولىپ، كوبەيتە دە العان. سول كەزدىڭ وزىندە ۆۋندەركيند بالا گالاكتيكا عالامشارلارىنا، تابيعات جاعدايلارى، جانۋارلار جانە وسىمدىكتەر الەمىنە قىزىعۋشىلىق تانىتقان. مامانداردىڭ ايتۋىنشا، 5 جاسىندا بالانى 4-سىنىپقا جىبەرە بەرۋگە بولار ەدى.
ءبىراق ونى 5 جاسىندا 1-سىنىپقا بەرگەن ەكەن. اتا- اناسى قازاق تىلىندە عانا سويلەيتىن بولعاندىقتان ولار بالانى ورىس تىلىندە ءبىلىم بەرەتىن مەكتەپكە جىبەرگەن. مەكتەپتە وتە جاقسى وقىعان، الايدا اتا- اناسى 3-سىنىپتا ونى قازاق سىنىبىنا اۋىستىرعان. ول قازاق سىنىبىندا دا وتە جاقسى وقىدى. ابزال ءبىر اپتا ىشىندە 4-سىنىپتىڭ باعدارلاماسىن مەڭگەرىپ العان. سودان ونى 5-سىنىپقا وتكىزىپ جىبەرگەن.
ۆۋندەركيند بالا مۇندا دا ءبىر جىلدىڭ وقۋ باعدارلاماسىن جەتىك مەڭگەرىپ الىپ، 6-سىنىپقا، سول جاقتان بىردەن 7-سىنىپقا اۋىستىرىلعان. وسىلايشا، ول مەكتەپتى ءبىتىرىپ وتىر. سونداي-اق، ابزال مىرزاش - 7-8 پاننەن حالىقارالىق، رەسپۋبليكالىق وليمپيادالاردىڭ جۇلدەگەرى.
