استانادا قۇرىلىسشىلاردىڭ ولىمىنە قاتىستى نىسان باسشىسى قاماۋعا الىندى

استانا. قازاقپارات - قول استىنداعى جۇمىسشىلارىنىڭ قازا بولۋىنا بايلانىستى استاناداعى قۇرىلىس نىسانىنىڭ باسشىسى قاماۋعا الىندى، دەپ حابارلايدى قازاقپارات ءتىلشىسى ىشكى ىستەر دەپارتامەنتىنىڭ باسپا ءسوز قىزمەتىنە سىلتەمە جاساپ.

«استانا قالالىق ىشكى ىستەر دەپارتامەنتىنىڭ تەرگەۋ باسقارماسى الاش كوشەسىندەگى قۇرىلىس نىسانىندا ەكى قۇرىلىسشىنىڭ قازا بولۋ فاكتىسىنە قاتىستى قر قىلمىستىق كودەكسىنىڭ 277-بابى بويىنشا (ابايسىزدا ەكى جانە ودان كوپ تۇلعانىڭ ولىمىنە الىپ كەلگەن قۇرىلىس جۇمىستارىنىڭ قاۋىپسىزدىك ەرەجەلەرىن بۇزۋ) سوتقا دەيىنگى تەرگەۋدى باستادى»، - دەپ حابارلادى ءى ءى د- دەن.

پوليتسەيلەر انىقتاعانداي، قابىرعانىڭ قۇلاۋى جابىندى پليتانىڭ ۇستىندە قۇرىلىس ماتەريالدارىنىڭ شامادان تىس بولۋىنان ورىن العان. «جۇكتى ارتۋ- ءتۇسىرۋ جۇمىستارىنا جاۋاپتى قۇرىلىس نىسانىنىڭ باسشىسى، 1970 -جىلى تۋعان قازاقستان ازاماتى، ق ر قىلمىستىق- پروتسەسسۋالدىق كودەكستىڭ 128-بابىنا سايكەس ۇستالىپ، ءى ءى د-نىڭ ۋاقىتشا ۇستاۋ اباقتىسىنا جەتكىزىلدى. قاجەتتى ساراپتامالار تاعايىندالدى. تەرگەۋ جۇرۋدە»، - دەپ ءمالىم ەتتى باسپا ءسوز قىزمەتىنەن.

ەسكە سالايىق، كەشە ەلوردادا قۇرىلىس نىسانىندا جابىندى پليتانىڭ جانە قابىرعانىڭ وپىرىلىپ قۇلاۋى سالدارىنان ەكى ادام مەرت بولدى، ءۇشىنشى جۇمىسشى اۋرۋحاناعا جەتكىزىلدى. قايعىلى وقيعا سارىارقا اۋدانىنداعى الاش كوشەسىندە بوي كوتەرىپ جاتقان قۇرىلىس نىسانىندا ساعات 11.56-دا بولدى.