09:09, 18 - قىركۇيەك 2017 | GMT +5
زارينا دياس جاپونياداعى جەڭىستى ساتىمەن ءبولىستى
استانا. قازاقپارات - قازاقستاندىق تەننيسشى زارينا دياس توكيودا وتكەن WTA سەرياسىنداعى ءتۋرنيردى جەڭىپ الدى، ول اقتىق باسەكەدە جاپون سپورتشىسى ميۋ كاتونى 6:2, 7:5 ەسەبىمەن ۇتتى.

باسەكە 1 ساعات 75 مينۋتقا سوزىلعان، دەپ حابارلايدى «قازاقپارات» ح ا ا ينستاگرامداعى astana.day پاراقشاسىنا سىلتەمە جاساپ.
23 جاستاعى دياس العاش رەت WTA تيتۋلىنا قول جەتكىزدى. ەكىنشى پارتيا الدەقايدا تارتىستى ءوربىدى. ەسەپ 5:5 بولعان كەزدە قازاقستاندىق تەننيسشى برەيك جاساپ، العا شىقتى.
بۇدان كەيىن زارينا ءوز گەيمىن بەرمەي، 7:5 ەسەبىمەن جەڭىسكە جەتتى. ماتچ 1 ساعات 19 مينۋتقا سوزىلدى. جاڭارتىلعان رەيتينگىندە زارينا دياس 72-ورىنعا كوتەرىلدى. تەننيسشى فەيسبۋكتەگى پاراقشاسىندا جەڭىستى ءساتى تۇسىرىلگەن ۆيدەونى جۇرتپەن بولىسكەن.