ماسكەۋدە جارىلعىش زات تۋرالى حابارلامالار قايتا تۇسە باستادى
بۇل تۋرالى ت ا س س اگەنتتىگى قۇقىق قورعاۋ ورگاندارىنداعى دەرەككوزگە سىلتەمە جاساپ حابارلادى.
«شۇعىل قىزمەتتەر جارىلىس قاۋپى تۋرالى حابارلامالاردىڭ تۇسۋىنە بايلانىستى كالۋجسكي تاسجولىنداعى «مەگا تەپلىي ستان» ساۋدا ورتالىعىن تەكسەرۋدە. بۇل بۇگىندىككە ماسكەۋدە ەۆاكۋاتسيالانعان ءتورتىنشى ساۋدا ورتالىعى. بارلىعى بەس مىڭنان استام ادام قاۋىپسىز جەرگە شىعارىلدى»، - دەپ مالىمدەدى اگەنتتىكتىڭ سۇحباتتاسى.
ونىڭ الدىندا، جەكسەنبى كۇنى كەشقۇرىم ماسكەۋدە تاعى ءۇش ساۋدا ورتالىعىنان - حوروشيەۆسكي تاسجولىنداعى «حوروشو!»، كۋتۋزوۆسكي داڭعىلىنداعى «وكەانيا» جانە مانەج الاڭىنداعى «وحوتنىي رياد» - تان ادامدار قاۋىپسىز اۋماققا كوشىرىلدى.
ەسكە سالايىق، جارىلىس تۋرالى وسىنداي قوڭىراۋلارعا سايكەس، 14- قىركۇيەك كۇنى ماسكەۋدىڭ ساۋدا ورتالىقتارىنان، ۆوكزالدارى مەن جوعارى وقۋ ورىندارىنان، سونداي-اق بىرنەشە قوناقۇيدەن 20 مىڭنان استام ادام قاۋىپسىز جەرلەرگە كوشىرىلگەن بولاتىن.
