ساراپشىلار ءۇشىنشى جاڭعىرتۋداعى الەۋمەتتىك- ساياسي ترەندتەردى تالقىلادى

كونفەرەنسياعا قاتىسۋشىلار «جاھاندىق الەمدەگى زاماناۋي قازاقستاندىق مادەنيەت» جوباسىن تالقىلادى، سونداي-اق ءۇشىنشى جاڭعىرتۋ مانماتىنىندەگى الەۋمەتتىك-ساياسي ترەندتەردى قاراستىردى، دەپ حابارلايدى primeminister.kz.
سپيكەرلەرگە ءسوز بەرمەس بۇرىن كونفەرەنتسيانىڭ مودەراتورى - ەۋرازيالىق ىقپالداستىق ينستيتۋتىنىڭ ديرەكتورى عاني نىعىمەتوۆ بۇگىندە ينستيتۋتتىڭ قوعامدىق سانانى جاڭعىرتۋ ماسەلەلەرى بويىنشا ءبىرقاتار زەرتتەۋلەردى ىسكە اسىرىپ جاتقاندىعىن باسا ايتتى.
اتاپ ايتقاندا، مەملەكەتتىڭ ىشكى جانە سىرتقى ساياساتىنىڭ وزەكتى ماسەلەلەرى بويىنشا قوعامدىق پىكىر زەرتتەلۋدە، مەملەكەتتىك كوممۋنيكاتيۆتىك ساياسات ماسەلەلەرى، سونداي- اق جاڭعىرتۋ ۇدەرىسى تالدانۋدا. اتالعان الەۋمەتتىك زەرتتەۋلەر پرەزيدەنت جاريالاعان قوعامدىق سانانى جاڭعىرتۋ ۇدەرىستەرىن حالىقتىڭ قولدايتىنىن كورسەتەدى.
وسىلايشا، ساۋالناماعا قاتىسقان قازاقستاندىقتاردىڭ %80 استامى قازاقستاننىڭ ودان ءارى ىلگەرىلەمەلى دامۋى ءۇشىن قوعامدىق سانانى جاڭعىرتۋ قاجەت دەپ ەسەپتەيدى. ولاردىڭ پىكىرىنشە، ءوز مادەنيەتىن، جەكە ۇلتتىق كودىن ساقتاۋ جاڭعىرتۋدىڭ تابىستىلىعىنىڭ باستى فاكتورى بولىپ تابىلادى. ساۋالناماعا قاتىسقانداردىڭ %79 ءوز ومىرلەرىنىڭ ماڭىزدى كومپونەنتى رەتىندە وتباسىندا قالىپتاسقان ۇلتتىق سالت- ءداستۇردى ۇستانۋدى اتادى.
قۇندىلىقتاردىڭ العاشقى ۇشتىگىنە ازاماتتىق بەيبىتشىلىك پەن كەلىسىم، ەتنوسارالىق قاتىناستارداعى ۇيلەسىمدىلىك، قازاقستان حالقىنىڭ قوناقجايلىلىعى مەن اقكوڭىلدىگى كىردى.
اتالعان جوبانى ىسكە اسىرۋ بارىسى تۋرالى اقپاراتتى ق ر پرەزيدەنتى جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ بويىنشا ۇلتتىق كوميسسيانىڭ حاتشىسى، جوبانىڭ جۇمىس توبىنىڭ جەتەكشىسى، پرەزيدەنت اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى ايدا بالايەۆا ۇسىندى.
«رۋحاني جاڭعىرۋ» باعدارلاماسى قۇندىلىقتاردى باسقارۋدىڭ اۋقىمدى ۇدەرىسى بولىپ تابىلادى. «جاھاندىق الەمدەگى زاماناۋي قازاقستاندىق مادەنيەت» جوباسى وندا ەرەكشە ورىنعا يە، سەبەبى دامۋدىڭ قۇندىلىقتارىمەن تىكەلەي بايلانىستى. ونىڭ باستى مىندەتى قازاقستاندىق مادەنيەتتىڭ جەتىستىكتەرىن كورۋ، باعالاۋ جانە الەمگە كورسەتۋ»، - دەپ ءتۇسىندىردى ايدا بالايەۆا.
ول قازىر جۇمىس توبى ۇزدىك شىعارمالار مەن ورىنداۋشىلاردى ىرىكتەۋدىڭ اقتىق كەزەڭىنە جەتكەنىن اتاپ ءوتتى. ونىڭ ايتۋىنشا، ونىڭ الدىندا ۇلكەن جۇمىس اتقارىلدى. تاۋەلسىزدىك جىلدارىندا العاش رەت مادەني جەتىستىكتەردى تۇگەندەۋ جۇرگىزىلدى، وتاندىق مادەنيەتتىڭ التىن قورى جۇيەلەندىرىلدى.
ول مادەنيەت، ونەر جانە سپورت سالالارىنىڭ الدىندا تۇرعان مىندەتتەرگە، ۇلتتىق سانانى قالىپتاستىرۋ، نىعايتۋ جانە ساقتاۋداعى ونىڭ گۋمانيتارلىق، مادەنيەتتانۋ جانە ساياسي رولىنە جەتە توقتالدى.
بۇدان وزگە، كونفەرەنسيادا ق ر س ءى م حالىقارالىق اقپارات كوميتەتىنىڭ ءتوراعاسى تالعات جۇماعۇلوۆ، ق ر م س م مادەنيەت جانە ونەر ىستەرى دەپارتامەنتىنىڭ ديرەكتورى الماز نۇرازحان، ق ر ب ع م عىلىم كوميتەتىنىڭ مەملەكەت تاريحى ينستيتۋتىنىڭ ديرەكتورى، تاريح عىلىمدارىنىڭ دوكتورى، پروفەسسور بۇركىتباي اياعان، ق ر م س م قازاق عزي باس ديرەكتورى اندرەي حازبۋلاتوۆ، شەتەلدىك ساراپشى، «نازاربايەۆ ۋنيۆەرسيتەتى» پروفەسسورىنىڭ اسسيستەنتى چارلز سالليۆان، اتاقتى مادەنيەتتانۋشى جانە سەناريشى زيرا ناۋرىزبايەۆا جانە باسقا عالىمدار مەن قوعام قايراتكەرلەرى ءسوز سويلەدى. كونفەرەنسياعا بارلىعى مەملەكەتتىك ورگانداردىڭ، قازاقستان مەن شەت ەلدەردىڭ عىلىمي جانە ساراپشىلىق- تالداۋ قاۋىمداستىعىنىڭ 100 دەن استام وكىلى قاتىستى.