16:44, 17 - قىركۇيەك 2017 | GMT +5
گەنانىڭ ۇپايى تۇگەل بولعانمەن، حالىق جەڭىس كۇتتى - بولات ءجۇمادىلوۆ
استانا. قازاقپارات - بوكستان وليمپيادا ويىندارىنىڭ ەكى دۇركىن كۇمىس جۇلدەگەرى بولات ءجۇمادىلوۆ قازاقستاندىق بوكسشى گەننادي گولوۆكين مەن مەكسيكالىق ساۋل الۆارەستىڭ جەكپە- جەگىنە بايلانىستى پىكىرىمەن ءبولىستى، دەپ حابارلايدى قازاقپارات ءتىلشىسى.

«گەنا اتاعىن، بەلدىكتەرىن قورعاپ قالدى. بۇل قۋانشىتى جاعداي. ءبىراق حالىقتىڭ كۇتكەنى جەڭىس ەدى عوي. ايقاس تەڭ ناتيجەمەن اياقتالدى. بۇل شەشىمگە ءوز باسىم كەلىسپەيمىن. تورەشى ەمەس، بوكسشى رەتىندە ايتارىم، گەنا ءسال عانا باسىمدىلىقپەن ۇتتى. مۇنداي كەزدە تورەشىلەر كىمگە جۇمىس جاساۋ كەرەكتىگىن بىلەدى. كاسىپقوي بوكستا ايقىن باسىمدىلىقپەن ۇتپاساڭ، وتە قيىن. گەنا ەندى ءوزى قالاي شەشىم شىعارار ەكەن، كورەمىز»، - دەدى بولات ءجۇمادىلوۆ.
كۇنسۇلتان وتارباي