گولوۆكين جانكۇيەرلەرىنە قازاق تىلىندە العىس ايتتى

استانا. قازاقپارات - مەكسيكالىق بوكسشى ساۋل "كانەلو" الۆارەسكە (49-1-1, 34 ك و) قارسى بۇگىنگى جەكپە-جەكتەن كەيىن گەنناديي گولوۆكين ءوز جانكۇيەرلەرىنە قازاق تىلىندە سالەم جولدادى، دەپ حابارلايدى قازاقپارات ءتىلشىسى.

ءوز سوزىندە GGG مەكسيكالىقتاردى ۇلتتىق مەيرامدارىمەن قۇتتىقتاپ، بوكستا مەكسيكالىق ءستيلدى ۇستاناتىنىن تاعى ءبىر مارتە مالىمدەدى. وسىدان كەيىن قازاقستاندىق جانكۇيەرلەرىنە العىسىن ءبىلدىرىپ: "راقمەت، جىگىتتەر!"، - دەپ ءوزىنىڭ ىستىق سالەمىن جەتكىزدى.

ايتا كەتەيىك، بۇگىنگى جەكپە-جەكتە ەكى بوكسشى تەڭ ءتۇستى. گەننادي گولوۆكين العاش رەت قارسىلاسىمەن تەڭ ءتۇسىپ وتىر. سوعان قاراماستان، GGG بارلىق بەلبەۋلەرىن ساقتاپ قالدى. قازاقستاندىق بوكسشى ريەۆانش وتكىزۋگە دايىن ەكەن جەتكىزدى.

ايتا كەتەيىك، WBA (Super) ، WBC، IBF مەن IBO تۇجىرىمدارى بويىنشا الەم چەمپيونى گەنناديي گولوۆكيننىڭ (37-0, 33 ك و) قازاقستاندىق فاناتتارى ءوز جەرلەسىنە قولداۋ كورسەتۋ ماقساتىندا شەرۋ ۇيىمداستىردى. اتالعان شارا ا ق ش- تىڭ لاس-ۆەگاس قالاسىندا ءوتتى.