قار بارىسى جەر بەتىنەن جويىلىپ بارا جاتقان جوق

استانا. قازاقپارات - وسى ۋاقىتقا دەيىن جويىلۋعا جاقىن تۇر دەپ سانالىپ كەلگەن قار بارىستارىنىڭ سانى ارتا باستادى، دەپ جازادى moya-planeta.ru.

 الايدا، جانۋارلارعا بۇرىنعىسىنشا براكونەرلىك جانە ولاردىڭ مەكەندەيتىن ورىندارىندا ولجالارىن ازايتۋ تۇرىندەگى قاۋىپ ءالى دە ءتونىپ تۇر. قار بارىسى جويلۋعا جاقىن تۇرلەر تىزىمىنە 1972 -جىلى ەنگەن. ەندى حالىقارالىق تابيعاتتى قورعاۋ وداعى جاعدايدى ءۇش جىلدىق باعالاۋ ناتيجەسى بويىنشا سيرەك كەزدەسەتىن مىسىقتاردىڭ مارتەبەسىن وزگەرتتى.

جابايى تابيعاتتا 2500-دەن استام ەرەسەك قار بارىستارى مەكەندەيتىندىگى جانە ولاردىڭ سانى ارتىپ كەلە جاتقاندىعى انىقتالدى. زەرتتەۋشىلەر جۇمىسىن تۇزاق كامەرالار جانە سپۋتنيكتىك تۇسىرىلىمدەر سىندى جاڭا تەحنولوگيالار جەڭىلدەتتى. قار بارىستارى تاۋدىڭ ەڭ بيىك شىڭدارىندا مەكەندەپ، ادامداردان الشاق جۇرەدى. سول سەبەپتى ولاردى تىرىدەي كورۋ - ۇلكەن ولجا.