سيريا وپپوزيتسياسى: قازاقستان تالاي جاننىڭ ءومىرىن ساقتاپ قالۋدا

استانا. قازاقپارات - قازاقستاننىڭ ارقاسىندا تالاي سيريالىقتىڭ ءومىرى ساقتالدى.

بۇل تۋرالى بۇگىن استانا پروتسەسى 6-راۋندىنىڭ قورىتىندىسىنا وراي وتكەن بريفينگتە كەلىسسوزدەر جونىندەگى سيريالىق جوعارى كوميتەتتىڭ كەڭەسشىسى ياحيا ال-اريدي ايتتى، دەپ حابارلايدى قازاقپارات.

«قازاقستانعا ءبىزدى قابىلداعانى ءۇشىن، شيەلەنىستىڭ باسىلۋ پروتسەسىنە زور ۇلەس قوسىپ، جاعداي ۋشىققان ايماقتىڭ ءومىرىن ساقتاعانى ءۇشىن العىسىمدى بىلدىرەمىن. ول 7 جىلعا سوزىلعان سوعىستى توقتاتۋ ءۇشىن سيريادا ءبىتىمنىڭ، تىنىشتىقتىڭ ورناۋىنا قول جەتكىزۋگە ۇمتىلۋدا»، - دەدى ول.

سونىمەن قاتار ەلوردادا ەكى كۇنگە سوزىلعان كەزدەسۋلەردە قانداي جايتتار كوتەرىلگەندىگىن دە ايتتى. «بۇل راۋندتىڭ اياسىندا ەكى ماڭىزدى ماسەلە كوتەرىلدى. ەڭ ءبىرىنشىسى يدليب ولكەسىندەگى پروبلەما جانە ونى باسقا دا دەەسكالاتسيا ايماعىنا قوسۋ بولدى. كەلەسى ءبىر ماسەلە تۇرمەدەگى تۇتقىندار جايى بولدى. كەيبىرەۋلەر ولاردى «تىرىدەي كومىلگەندەر» دەپ تە ايتادى. ول جاقتا ونداعان مىڭ ادام بار. ولاردىڭ مىڭداعانى زورلىق-زومبىلىقپەن ءولتىرىلدى. وكىنىشكە وراي كەپىلگەرلەر تارابىنان رەجىم الدىندا بۇل ماسەلەنى كوتەرۋگە باتىلدىق جەتىسپەدى»، - دەدى ياحيا ال-اريدي.

بۇعان دەيىن حابارلاعانىمىزداي، 6-راۋند ناتيجەسىندە دەسكالاتسيا ايماعىنىڭ شىعىس گۋتتا، حومس ولكەسى سولتۇستىگىنىڭ بەلگىلى ءبىر بولىكتەرىندە، يدليب ولكەسىندە جانە كورشىلەس ولكەلەردەگى جەكەلەگەن اۋدانداردا 4 قاۋىپسىز ايماق قۇرىلعان ەدى.

اۆتور: مارلان جيەمباي