قازاقستاندا «بولاشاق» ستيپەندياسىنان ايىرىلعانداردىڭ قارىزى بەلگىلى بولدى

«جاقىن ارادا وقۋ ۇلگەرىمىنىڭ ناشارلاۋىنا بايلانىستى ستيپەنديادان ايرىلعاندار جوق. جالپى ستاتيستيكاعا توقتالاتىن بولسام، 2005-جىلدان باستان وقۋ ۇلگەرىمىنە قاتىستى 362 ادام ستيپەنديادان قول ءۇزىپ قالدى، بۇل شامامەن 2 پايىزدى قۇرايدى. ولاردىڭ قارىزى بىرتىندەپ جابىلىپ كەلەدى. 2013-جىلى ولار 147 ميلليون تەڭگەنى، 2014-جىلى - 272 ميلليون تەڭگەنى، 2015-جىلى - 384 ميلليون تەڭگەنى، ال 2016-جىلى 960 ميلليون تەڭگەنى جاپتى. بيىلعى جىلدىڭ سوڭىنا دەيىن 1 ميلليارد تەڭگە توڭىرەگىندە وتەلەدى دەپ جوسپارلاپ وتىرمىز»، - دەدى مەلدەشەۆ.
ونىڭ سوزىنە قاراعاندا، جالپى ستيپەنديادان ايىرىلىپ قالعان جاستاردىڭ قارىزى 4,9 ميلليارد تەڭگەنى قۇراعان. قازىرگى كەزدە ونىڭ كولەمى ازايىپ، 3,9 ميلليارد تەڭگەسى قالدى. ۇلگەرىمى ناشارلاپ، ستيپەندياسىز قالعان 362 ادامنىڭ نەگىزگى ۇلەسى 2012-جىلعا دەيىن تاعايىندالعان «باكالاۆرياتقا» تيەسىلى.
«جالپى، قارىز اقشا قايتارىلادى دەگەن ۇمىتتەمىز، سەبەبى بورىشتى وتەۋ قارقىنى جاقسارىپ كەلەدى»، - دەدى ول.
بۇدان بولەك، ج. مەلدەشيەۆ «بولاشاق» بويىنشا ءبىلىم العانىمەن ەلگە ورالىپ قىزمەت ەتۋ مىندەتتەمەسىن ورىنداماعان 161 ادام تىركەلگەنىن اتاپ ءوتتى. دەگەنمەن سونىڭ 100 گە جۋىعى كەيىننەن قازاقستانعا قايتا ورالدى.
«بۇل ءوز كەزەگىندە ستيپەنديانىڭ ساپاسىن كورسەتەدى. ياعني ستيپەندياتتار شەتەلدە جۇمىس تاۋىپ، باعالانىپ جاتقانى جاقسى كورسەتكىش. ولار ۇزدىك كومپانيالاردى جۇمىس ىستەۋدە»، - دەدى ورتالىق پرەزيدەنتى.
ايتا كەتەيىك، 23 جىلدا باعدارلاما اياسىندا 12,5 مىڭ ستيپەنديا تاعايىندالدى. بۇگىندە ءبىلىم الىپ جاتقانداردىڭ سانى 1234 ءتى قۇراپ وتىر. جالپى، 9854 تۇلەكتىڭ ىشىندە 50 پايىزدان استامى الەۋمەتتىك سالادا قىزمەت ەتۋدە، 2 مىڭنان استامى ءبىلىم بەرۋ سالاسىندا جۇمىسقا تۇرعان.