كەدەيلىككە الىپ كەلەتىن ادەتتەر
سەبەبى ەشكىم سىزگە ءبارىن دايىنداپ بەرمەيدى. ال جاقسى ءومىر ءسۇرۋ ءۇشىن جاقسى ادام بولۋ عانا جەتكىلىكسىز. سەبەبى جاقسى ادامنىڭ دا جاقسى جۇمىسى، تابىسى، ەڭبەگى بولۋ كەرەك. ال كەدەي بولساڭىز، ول ءسىزدىڭ ءوز قاتەلىگىڭىز. سەبەبى ءسىز كوپتەگەن ادەتتەردەن ارىلا المايسىز. ول قانداي ادەتتەر؟
ءوزىڭدى اياۋ
ادام بولمىسىمەن ەرەكشەلەنەدى. سەبەبى ءبىرىنشى اقشا ەمەس، ءسىزدىڭ نيەتىڭىز بەن ءومىر ءسۇرۋ قاعيداڭىز. ال كەدەيلىككە الىپ كەلەتىن ەڭ ءبىرىنشى ادەت وسى ءوزىڭدى اياۋ. ياعني كوپشىلىك ورتادان ءوزىڭدى بولەك ۇستاۋ، قىمبات جەرگە بارۋدان قاشۋ، ىشتەي ۇيالۋ، قىسىلۋ سەزىمدەرى ءسىزدى العا ۇمتىلۋعا جول بەرمەيدى. «مەنىڭ جاعدايىم قايدان بولسىن» ، «مەندە جوق» ، «شامام جەتپەيدى» ، «ول ءۇشىن اقشا كەرەك» ، «باي ەمەسپىن» دەيتىن جاۋىر بولىپ كەتكەن سوزدەردەن قاشىڭىز. بۇل ءسىزدىڭ جاۋىڭىز.
ءبارىن ۇنەمدەي بەرۋ
ۇنەمشىل بولۋ ارينە جاقسى قاسيەت، ءبىراق ءبارىن ۇنەمدەۋ، ارزانعا جۇگىرۋ قاتەلىك. سەبەبى ءبارىن ۇنەمدەي بەرۋ ءسىزدى ەشقاشان تابىستى ادامدار قاتارىنا قوسپايدى. قازاقتا وسىندايدا جاقسى ءسوز بار: «كەڭ بولساڭ، كەم بولمايسىڭ» دەگەن. ەندەشە شاشىلاتىن جەردە شاشىلىپ، ۇنەمدەيتىن جەردە ۇنەمشىل بولعان ءجون.
اقشا بىتسە، ۋايىمعا سالىنۋ
تۇرمىستىڭ بيلىگى ساناعا ءجۇرىپ تۇرعان شاقتا، اقشاسىز ءومىر ءسۇرۋ مۇمكىن ەمەس. دەگەنمەن بارلىق نارسەنىڭ كىلتى اقشادا ەمەس. ەگەر قالتاڭىزدى كوك تيىن قالماي قالسا، ۋايىمداپ، قوبالجۋدىڭ قاجەتى جوق. سەبەبى بۇل ادەتكە اينالىپ كەتسە، ءسىز اقشا بىتسە بولدى قارىزعا كىرۋگە اسىعىپ تۇراسىز. ال قارىزعا كوپ بايلانعان سايىن ءسىزدىڭ بايۋعا دەگەن قۇلشىنىس جوعالادى. ءار تاپقانىڭىزدى قارىزعا بەرسەڭىز، ءسىز قاشان بايلىققا كەنەلەسىز؟
از كىرىستەن كوپ شىعىن جاساۋ
شىعىندى ەسەپتەڭىز. سەبەبى كىرىس از بولسا، نەمەسە بەلگىلى ءبىر ورتاشا كولەمدە بولسا سوعان قاراي يكەمدەلۋ كەرەك. ادامداردىڭ كەدەيلىككە ۇرىنىپ قالاتىن تاعى ءبىر سەبەبى دە وسى. ولار كوپ شاشىلىپ، از قارجى تابادى. ەسەبىن جاسامايدى. سوندىقتان كىرىسكە قاراي، شىعىن جاساڭىز. ءبىر كۇن ەمەس، ءبىر اي ءالى ءومىر ءسۇرۋ كەرەكتىگىن ۇمىتپاڭىز.
Massaget.kz
