تەننيس: قازاق قىزى توكيو ءتۋرنيرىنىڭ جارتىلاي فينالىنا شىقتى

استانا. قازاقپارات - جاپونيا استاناسى توكيودا ءوتىپ جاتقان حالىقارالىق تۋرنيردە شيرەك فينالدا قازاقستاندىق تەننيسشىلەر، الەمنىڭ 52-راكەتكاسى يۋليا پۋتينتسيەۆا مەن دۇنيەجۇزىلىك رەيتينگتە 100-ورىندا تۇرعان زارينا دياس ءوزارا كەزدەستى، دەپ حابارلايدى «قازاقپارات» ءتىلشىسى.
None
None

Myscore.ru سايتىنان الىنعان مالىمەتكە قاراعاندا، 2 ساعات 11 مينۋتقا سوزىلعان ماتچ بارىسىندا ءبىرىنشى پارتيادا يۋليا 6:4 ەسەبىمەن جەڭىسكە جەتتى.

ودان كەيىن ەكىنشىسىندە زارينا 6:1 ەسەبىمەن ەسە قايتاردى. شەشۋشى، ءۇشىنشى پارتيادا زارينا 6:3 ەسەبىمەن باسىم ءتۇستى. وسىلايشا، توكيو تۋرنيرىنە ىرىكتەۋ سايىستارى ارقىلى قوسىلعان زارينا دياس ءساتتى ونەر كورسەتۋىن جالعاستىرىپ، جارتىلاي فينالعا جولداما الدى.

ەندى ول فينالعا شىعۋ ءۇشىن امەريكالىق، الەمنىڭ 62- راكەتكاسى كريستينا ماكحەيلمەن كۇش سىناسادى.

ەسكە سالا كەتەيىك، توكيو ءتۋرنيرىنىڭ جۇلدە قورى 226750 ا ق ش دوللارىن قۇرايدى.

سوڭعى جاڭالىقتار