ق ر پرەمەر-ءمينيسترى اتىراۋلىق جاستارمەن كەزدەستى

استانا. قازاقپارات - بۇگىن ق ر پرەمەر-ءمينيسترى باقىتجان ساعىنتايەۆ اتىراۋ وبلىسىنا جۇمىس ساپارى اياسىندا ءوڭىردىڭ ستۋدەنت جاستارىمەن بولاشاق ماماندىقتارىنا ارنالعان كادرلار دايارلاۋ جانە زاماناۋي نارىق جاعدايلارىندا تۇلەكتەردىڭ باسەكەگە قابىلەتتىلىگىن ارتتىرۋ ماسەلەلەرى بويىنشا كەزدەسۋ وتكىزدى، دەپ حابارلايدى primeminister.kz.
None
None

كەزدەسۋ بارىسىندا قاتىسۋشىلار مەملەكەت باسشىسىنىڭ قازاقستاندا الەمدىك دەڭگەيدەگى وقىتۋ ورتالىقتارىن قۇرۋ بويىنشا تاپسىرمالارىن ىسكە اسىرۋ بارىسىن، «سيفرلىق قازاقستان» مەملەكەتتىك باعدارلاماسىنىڭ تاقىرىبىن، كادرلاردى دايارلاۋ جانە قايتا دايارلاۋ، تۇلەكتەردىڭ باسەكەگە قابىلەتتىلىگىن ارتتىرۋ، بولاشاق ماماندىقتارى ءۇشىن داعدىلار مەن بىلىكتىلىكتەر قالىپتاستىرۋ، ءدۋالدى وقىتۋدىڭ ەرەكشەلىكتەرى جانە كاسىبي قۇزىرەتتەردى كەڭەيتۋ بويىنشا جاس ماماندارعا جاعداي جاساۋ ماسەلەلەرىن تالقىلادى.

اتالعان تاقىرىپتار بويىنشا ارەس PetroTechnic ستۋدەنتتەرى مەن تۇلەكتەرى اسەل جۇماعۇلوۆا، سۇلتانبەك عابباسوۆ، عايسا ەرعاليەۆ جانە ۆالەريا گاۆريشيەۆا بايانداما جاسادى. كوتەرىلگەن ماسەلەلەر بويىنشا ق ر ءبىلىم جانە عىلىم ءمينيسترى ەرلان ساعاديەۆ تۇسىنىكتەمە بەردى.

ول سونداي-اق قازاقستاندىق جاس ازىرلەۋشىلەرمەن بىرلەسىپ جۇمىس جاساۋ ءۇشىن الەمدىك ءىرى كونسورتسيۋمداردى تارتۋدىڭ ماڭىزدىلىعىن باسا ايتتى، جانە جاستارعا ءوز بىلىكتىلىگىن ارتتىرۋعا جانە شەت تىلدەرىن مەڭگەرۋگە ۇمتىلۋ قاجەت ەكەنىن جەتكىزدى. باقىتجان ساعىنتايەۆ بۇگىندە قازاقستاندا جاڭا يندۋستريالار قۇرۋ جانە بازالىق سەكتورلاردى سيفرلاندىرۋمەن سيپاتتالاتىن قازاقستاننىڭ ءۇشىنشى جاڭعىرۋى ىسكە اسىرىلىپ جاتقانىن ايتىپ ءوتتى.

وزىق تەحنولوگيالاردى ەنگىزۋ جاستارعا ۇلكەن مۇمكىندىكتەر اشادى، الايدا سونىمەن بىرگە زاماناۋي جاعدايدا باسەكەگە قابىلەتتى بولۋ ءۇشىن جاڭا داعدىلار مەن قۇزىرەتتەردى مەڭگەرۋدى تالاپ ەتەدى.

ءوز كەزەگىندە ق ر ۇكىمەتى قاجەتتى بىلىكتىلىكتى الۋعا جانە وسىلايشا جاستارعا زاماناۋي نارىقتىڭ وزگەرىپ جاتقان جاعدايىنا بەيىمدەلۋگە بارلىق قاجەتتى جاعدايلار جاساۋ ءۇشىن كەشەندى جۇمىس جۇرگىزەدى. اتاپ ايتقاندا، اعىمداعى جىلدان باستاپ «بارشاعا ارنالعان تەگىن كاسىپتىك-تەحنيكالىق ءبىلىم بەرۋ» جوباسىن ىسكە اسىرۋ باستالادى.

ءبىرىنشى كەزەكتە تەگىن ءبىلىم بەرۋ جۇمىسسىز جانە ءوزىن- ءوزى جۇمىسپەن قامتىعان جاستاردى، سونداي- اق كاسىپتىك ءبىلىمى جوق ەڭبەككە قابىلەتتى جاستاعى ادامداردى قامتيدى. بۇل بەلگىلەنگەن ەكونوميكا اياسىندا جاڭا وندىرىستەر ماماندارىن دايارلاۋ ءۇشىن كاسىپتىك ءبىلىم بەرۋ جۇيەسىن دامىتۋعا سەرپىن بەرۋ ءۇشىن جاسالادى. بۇدان وزگە، ات-بىلىمدەردى، قارجىلىق ساۋاتتىلىقتى جانە سىنشىل ويلاۋدى قالىپتاستىرۋعا باعىتتالعان ءبىلىم بەرۋ جۇيەسىنىڭ بارلىق دەڭگەيلەرىنە ارنالعان وقۋ باعدارلامالارىن جاڭارتۋ بويىنشا جۇمىس جالعاسادى.

وعان قوسا، قالالىق جانە اۋىلدىق وقۋ ورىندارى اراسىنداعى ءبىلىم بەرۋ ساپاسىنداعى ايىرماشىلىقتى ازايتۋ بويىنشا جۇمىس جۇرگىزىلىپ جاتىر. سونىمەن قاتار، جوعارى تەحنولوگيالار سالاسىندا عىلىمي جوبالار ازىرلەۋمەن اينالىساتىن جاستاردى قولداۋدىڭ ماڭىزدىلىعى باسا ايتىلدى. ولارعا قازاقستان اۋماعىندا عىلىمي-يننوۆاتسيالىق كلاستەرلەر مەن ات-پاركتەرىنىڭ جۇمىسىنا قاتىسۋعا جاعداي جاسالادى.

سوڭعى جاڭالىقتار