وتباسىندا جانجال شىعارعان ماسكۇنەمدەردى قاماۋ مەرزىمى ۇزارتىلماق

استانا. قازاقپارات - ەندى وتباسىندا جانجال كوتەرەتىن ماسكۇنەمدەردى قاماۋدا ۇستاۋ ۋاقىتى 24 ساعاتقا سوزىلادى. بۇل تۋرالى ماجىلىستە «ق ر اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋار ەنگىزۋ تۋرالى» زاڭ جوباسىن تانىستىرعاننان كەيىن ق ر ىشكى ىستەر ۆيتسە- ءمينيسترى ەرلان تۇرعىمبايەۆ ءمالىم ەتتى،

دەپ حابارلايدى قازاقپارات.

 «وتباسىلىق- تۇرمىستىق قاتىناستار تۇرىسىندا ورىن الاتىن اكىمشىلىك قۇقىق بۇزۋشىلىقتار بويىنشا ىشكى ىستەر ورگاندارىندا 3 ساعاتتىڭ ورنىنا 24 ساعات قاماۋدا ۇستاۋ ۇسىنىلىپ وتىر. بۇگىندە وتباسىندا جالجال شىعاراتىندار بالالارى ۇشىندە قاتەر توندىرەدى. مىسالى، بىزگە ىشىمدىككە ماسايعان كۇيەۋىنىڭ ارەكەتىنە ايەلى شاعىمدانعاننان كەيىن، ءبىز بۇل جانجالدى ىشكى ىستەر ىستەر ورگاندارىنا جەتكىزەمىز. الايدا ءۇش ساعاتتان كەيىن ءبىز ونى ۇيىنە جىبەرۋگە ءماجبۇرمىز. سونىمەن قاتار وعان ايپپۇل سالىنادا. ءبىراق تا بۇل وتاعاسى جۇمىس ىستەمەيتىن ءارى ىشىمدىككە سالىنعان ادام بولسا، وندا بۇل اۋىرتپالىق تاعى دا بالا- شاعاسىنىڭ مويىنا تۇسەدى. سوندىقتان اكىمشىلىك قاماۋعا الۋ شاراسى ۇسىنىلىپ، وسى باپ بويىنشا 24 ساعاتقا دەيىن ىشكى ىستەر ورگاندارىندا ۇستاۋ ەسكەرىلگەن»، - دەدى ءمينيستردىڭ ورىنباسارى.

 ەرلان تۇرعىمبايەۆ وسى تارتىپپەن قاماۋدا ۇستاۋ، ياعني ۋاقىت مەرزىمىن 3- تەن 24 ساعاتقا دەيىن ۇزارتۋ ماسكۇنەمنىڭ كورشىلەرىنە، وتباسىنا قاۋىپ توندىرمەۋىنە قاجەتتى قادام بولىپ تۇر.

«ويتكەنى ءۇش ساعاتتان كەيىن بوساتىلعان وسىنداي ادامدار كوبىنەسە ىشىمدىكتەن ايىقپايدى جانە ۇيىنە بارعان كەزدە بالا- شاعاسىنىڭ مازاسىن الادى»، - دەدى ە. تۇرعىمبايەۆ. سونىمەن قاتار ول ىشكى ىستەر مينيسترلىگى اتالعان قۇقىق بۇزۋشىلىق تۇرعىسىندا قاماۋدا ۇستاۋدى 48 ساعاتقا دەيىن ۇزارتۋدى ۇسىنعانىن اتاپ ءوتتى. الايدا جۇمىس توبىنىڭ شەشىمىمەن زاڭ جوباسىنا 24 ساعات ەنگىزىلدى. «قازىرگى كەزدە ۇسىنىلعان مەرزىم ءالى دە تالقىلانادى»، - دەدى ۆيتسە- مينيستر.

اۆتور: رۋسلان عابباسوۆ