ەردەن قاجىبەك لاتىن نۇسقاسىنىڭ ديگرافتارىن سىناعاندارعا جاۋاپ بەردى

«قازىرگى كەزدە حالىق اراسىندا ديگرافتارعا قاتىستى سۇراق كوپ قويىلىپ ءجۇر. ماسەلەن، بۇگىندە اعىلشىن تىلىندە «ج»- نى «zh»، «چ» ءارپىن «ch» دەپ جازىپ جۇرگەنىمىزگە كوزىمىز ابدەن ۇيرەندى. ال، ەندى، «ءا» دىبىسىن «ae»، «ءو» - «oe»، «ءۇ» - «ue» دەپ شىعارعاندا ءبارى تاڭقالدى. نەگە؟ سەبەبى ادامدار لاتىن گرافيكاسىمەن جازىلعان «ae» مەن «oe»- لەردى ەكى بولەك دىبىس دەپ قابىلدايدى. ارينە، «ae» - نى ەكى بولەك دىبىس رەتىندە وقىساق، مۇلدەم ۇيرەنشىكسىز. نەگىزى، ول ەكى تاڭبا ءبىر دىبىستى بىلدىرەدى. ول «zh» نەمەسە «ch» سياقتى. ءبىز ونى بولەك وقىمايمىز عوي. مەنىڭشە، قازىرگى جاڭا تاڭبالارعا دا كوز ۇيرەنۋى كەرەك»، - دەپ اتاپ كورسەتتى قاجىبەك بۇگىن قازاقستان حالقى اسسامبلەياسىنىڭ عىلىمي- ساراپشىلىق كەڭەسىنىڭ كەڭەيتىلگەن وتىرىسىندا.
ينستيتۋت باسشىسىنىڭ ايتۋىنشا، لاتىن ءالىپبيىنىڭ ءبىرىڭعاي ستاندارتىن دايارلاۋ كەزىندە بارىنشا قاراپايىم ءارى جەڭىل نۇسقاسىنا باسىمدىق بەرىلدى. سەبەبى كۇردەلى ءالىپبي قوسىمشا شىعىنداردى عانا ەمەس، اقپاراتتىق تەحنولوگيالاردى دا قاجەت ەتەدى. ول ءۇشىن جاڭا كومپيۋتەرلىك باعدارلامالاردى جانە تاعى باسقاسىن دايىنداۋ قاجەت. سوسىن ونى باسقا جۇيەلەرگە بەيىمدەۋ ماسەلەسى تاعى بار.
«ال قازىرگى اقپاراتتىق زاماندا شاپشاڭدىلىق قاجەت. بۇل تالاپ ءالى دە كۇشەيە تۇسەدى. سوندىقتان عالامتورعا كىرگەن بويدا اقپاراتتى جىلدام العان ماڭىزدى. ول جاعىنان قاراپايىم ءالىپبيدىڭ ءرولى زور. سوسىن پرەزيدەنت مەكتەپتەردە لاتىن ءالىپبيىن 2022 -جىلى ەنگىزۋدى تاپسىردى. دەمەك، اپروباتسيا ءۇشىن ءالى ءتورت جىل بار. حالىق جاڭا ءالىپبيدى ابدەن ءتۇسىنىپ الۋى قاجەت، كوزى ابدەن ۇيرەنۋى كەرەك»، - دەپ اتاپ كورسەتتى ەردەن قاجىبەك.
ايتا كەتەيىك، ق ر پارلامەنت ماجىلىسىندە وتكەن قوعامدىق تىڭداۋدا لاتىن ءالىپبيىنىڭ ءبىرىڭعاي نۇسقاسى تانىستىرىلعان بولاتىن. قازاق ءتىلىنىڭ جاڭا ءالىپبي جوباسى «ءبىر ءارىپ - ءبىر دىبىس»، «ءبىر ءارىپ - ەكى دىبىس» جانە «ءبىر دىبىس» پرينتسيپىنە نەگىزدەلگەن. 25 تاڭبالى الفاۆيتتەن بولەك 8 ديگراف بار.
اۆتور: ارمان اسقاروۆ