نەگە جالاقى كەلەسى ايلىققا دەيىن جەتپەيدى؟

استانا. قازاقپارات - شىعىن كولەمىنە دەگەن باقىلاۋ قاتاڭ بولماعان سايىن، بارلىق ماسەلەنى قاداعالاپ وتىرعان كۇننىڭ وزىندە، ءبىر نارسەنىڭ قالت كەتەرى ءسوزسىز.
None
None

اقىرىندا ءسىزدىڭ ۇنەمدەگەنىڭىز ناتيجەسىز بولعانىن بايقايسىز. سەبەبى ءسىز جوسپاردان تىس شىعىنعا كوڭىل بولمەدىڭىز. بۇنداي جاعدايدا قاجەتتى زاتتار ءتىزىمىن ازايتىپ، ءبىراز نارسەدەن باس تارتۋعا تۋرا كەلەدى.

ءسىزدىڭ جالاقىڭىزدىڭ شىعىنى ارتىپ جاتقانى تاڭدانارلىق جايت ەمەس. بار ماسەلە ءسىزدىڭ ادەتىڭىزدە. وتباسىلىق بيۋدجەتكە كەتەتىن كىشىگىرىم شىعىن كولەمى ۇلكەن جالاقىنى قۇرايتىنىن ەستەن شىعارماڭىز. ەندەشە قانداي ادەتتەرگە نازار اۋدارعان ءجون؟

بىرىنشىدەن، ول - جوسپاردان تىس، سىرتقى ورتادا تاماقتانۋ. ءيا، وعان جۇمىس ۋاقىتىڭىزدا ىشەتىن قاراپايىم كوفەڭىز، نە بولماسا، تۇسكى اس كەزىندەگى العان بالمۇزداعىڭىزدى جاتقىزامىز. نەمەسە كەي كەزدەگى ءدامدى ءيىسى مۇڭكىگەنى ءۇشىن الىنعان فاست-فۋد تا وسى ءتىزىمنىڭ ىشىندە.

ءسىزدىڭ نە نارسەگە اقشا جۇمساعانىڭىز ماڭىزدى ەمەس. ماڭىزدىسى - نە سەبەپپەن جۇمساعانىڭىزدا. وسىنداي جايتتاردا ءاميانىڭىزدان اقشانى شىعارماي، ويلانىپ، ونى جاراتپاعان دۇرىس. سوندا، كەلەسى جولى ءوزىڭىزدى ەركەلەتىپ، وزىڭىزگە جۇمسالعان اقشا كولەمى الدەقايدا ۇنەمدى بولعانىن بايقايسىز.

ەكىنشىدەن، ۇلكەن وتباسىلى ءۇي نەمەسە كوپ دوستارىڭنىڭ بولعانى كوپ سىيلىقتىڭ الىناتىنىن بىلدىرەدى. ول دا شىعىندى ۇلعايتادى. اسىرەسە، سىيلىق اسىعىستىقپەن الىنسا. اسىعىستىقپەن، ويلانباي الىنعان سىيلىق قاشان دا وتە شىعىندى بولادى. سوندىقتان سىيلىق تاڭداردا ءبىراز كۇن بۇرىن ىزدەنىپ، ساپالى، ۇنەمدى زات العان دۇرىس.

سونىمەن قاتار ەڭ دۇرىسى - ءبىر جىل ىشىندەگى تۋعان كۇندەر ءتىزىمىن جاساپ قويۋ. ونىمەن قوسا، مەيرام كۇندەرىندە الىناتىن سىيلىقتارعا كەتەتىن اقشانى جيناپ، بولەك ۇستاۋ. كەزەكتى شوپپيڭ جاساعان ۋاقىتتا، جەڭىلدىكتەرگە كوڭىل ءبولىڭىز. سەبەبى جەڭىلدىكتەر اراسىنان جاقىنىڭىزعا كەرەك زاتتى تاۋىپ الۋىڭىز ابدەن مۇمكىن.

تاعى ءبىر ايتا كەتەرلىك ماسەلە، شىعىنىڭىزدىڭ بولىگىن كابەلدى تەلەۆيدەنيە، موبيلدى بىرلىك نەمەسە ت. ب. وسىعان ۇقساس نارسەلەر الادى. مۇنداي جاعدايدا تەلەديداردى قانشالىقتى كورەتىنىڭىزگە ءمان بەرۋ كەرەك. سوعان بايلانىستى، باعاسى ءتيىمدى، ايىنا از مولشەردە شىعىندالاتىن كانال تابا الاسىز.

بۇل بار بولعانى شىعىننىڭ 3 وڭاي ۇلگىسى عانا. دەگەنمەن بۇعان زور ءمان بەرگەن ءجون. نە دە بولسا، اقشا ەسەپتى سۇيەدى. ەسەپتى قانشالىقتى دۇرىس جۇرگىزگەن سايىن، جەكە قارجىلىق جاعدايىڭىز جاقسارا بەرمەك.

 

سوڭعى جاڭالىقتار