استاناداعى «نۇرلى جول» ۆوكزالىندا ەلەكترو اۆتوموبيلدى قۋاتتاندىرۋ بەكەتى اشىلدى
بۇل ستانسيا ق ر ەنەرگەتيكا مينيسترلىگىنىڭ جوباسى اياسىندا اشىلدى. بۇل قازاقستانداعى ۆوكزالدا ورناتىلعان تۇڭعىش ەلەكتروموبيل قۋاتتاندىرۋ ستانسياسى بولىپ تابىلادى، دەپ حابارلايدى «قازاقستان تەمىر جولى» ۇ ك» ا ق باسپا ءسوز قىزمەتى.
«استانا تۇرعىندارىنا ارنالىپ «نۇرلى جول» ۆوكزال كەشەنىندە العاشقى قاناتقاقتى جوبا جۇزەگە اسىرىلدى. ياعني، ۆوكزالعا كەلگەن ەلەكتروموبيل جۇرگىزۋشىسى ءوز كولىگىن وسى جەردەن قۋاتتاندىرىپ الا الادى»، - دەيدى «نۇرلى جول» ۆوكزال كەشەنى ديرەكتورىنىڭ ورىنباسارى ن. امانجولوۆ.
جاڭا ەلەكترمەن قۋاتتاندىرۋ ستانسياسى الەمدىك ستاندارتقا سايكەس كەلەدى. ول 1 ساعاتتان 4 ساعاتقا دەيىن قۋات بەرەدى. ءبىر مەزەتتە ستانسيادان ءتورت ەلەكتروموبيل قاتار قۋات الادى. ستانتسياعا ورناتىلعان قۋات كوزىنىڭ كۇشى -51 ك ۆ ت.
«قاۋىپسىزدىك شارالارىن كۇشەيتۋ ماقساتىندا توكتىڭ دييفەرەنسيالدى قورعانىشى جاسالعان. 2 «Mennekes» توك ايىرعىشى اپاتتىق جاعدايدا توك كوزىنەن اجىراتىلادى»، - دەيدى ن. امانجولوۆ.
