22:56, 14 - قىركۇيەك 2017 | GMT +5
مەملەكەتتىك ءتىل لاتىن الىبيىنە كوشكەننەن كەيىن بارلىق ءىس-قاعازدار سول تىلدە جۇرەدى - ەلباسى
استانا. قازاقپارات - مەملەكەتتىك ءتىل لاتىن الىبيىنە كوشكەننەن كەيىن بارلىق ءىس-قاعازدار سول تىلدە جۇرگىزىلەتىن بولادى.

بۇل تۋرالى بۇگىن اقوردادا وتاندىق جانە شەتەلدىك جۋرناليستەرمەن كەزدەسكەن ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.
«ءوزىڭىز ايتقانداي، لاتىن الىپبيىنە كوشكەن جاعدايدا ول كيريليتسانىڭ قولدانىسىنا ايتارلىقتاي كەدەرگى كەلمەيدى. بۇل رەتتە قۇجات اينالىمىندا، ءىس-قاعازداردا لاتىن ءالىپبيىنىڭ ءرولى قانداي بولماق؟ ەكەۋىنىڭ قاتار ءجۇرۋى قيىندىق تۋدىرماي ما؟» - دەپ سۇراعان ەدى كەزدەسۋ بارىسىندا ب ا ق وكىلدەرى ق ر پرەزيدەنتىنەن.
«مەملەكەتتىك ءتىل لاتىن ارىپىندە بولعاننان كەيىن بارلىق جۇرگىزىلەتىن قۇجاتتار سول تىلدە بولادى. ءبىراق ول ءتىلدى تۇسىنبەيتىن ازاماتتاردى رەنجىتپەۋ ءۇشىن ولارعا اۋدارىپ بەرەتىن بولامىز»، - دەدى نۇرسۇلتان نازاربايەۆ.
اۆتور: مارلان جيەمباي