ارال تۇزى ازەربايجانعا ەكسپورتتالا باستادى
«كاسىپورىن رەسەيدىڭ تۇز نارىعىنىڭ 13 پايىزىن جەڭىپ الدى. بۇدان بولەك، ءبىز قىرعىزستانعا دا ءوز ونىمدەرىمىزدى جونەلتەمىز، جاقىندا تۇزدىڭ العاشقى ۆاگونىن ازەربايجانعا جىبەردىك. بولاشاقتا نارىقتى كەڭەيتىپ، قىتاي مەن شىعىس ەۋروپا ەلدەرىنە ەكسپورتتاۋدى جوسپارلاپ وتىرمىز»، - دەدى ەۆگەني كورول.
«ارالتۇز» ا ق جاڭا سەرىكتەستەر تارتۋ ماقساتىندا رەسەيدە ماڭىزدىلىعى مەن اۋقىمى جاعىنان ەكىنشى سانالاتىن 26-مامانداندىرىلعان «World Food Moscow» كورمەسىنە قاتىسۋدا.
ايتا كەتۋ كەرەك، «ارالتۇز» ا ق مەتاللۋرگيا، حيميا، ونەركاسىپتىڭ وزگە دە سالالارىندا سۇرانىسقا يە كالتسيلەندىرىلگەن سودا ءوندىرىسىن ىسكە قوسۋدى جوسپارلاپ وتىر.
اتاپ ايتقاندا، شيكىزات قىزىلوردا قالاسىندا شىنى شىعارۋ وندىرىسىنە قولدانىلاتىن بولادى. زاۋىتتىڭ جىلدىق قۋاتى 300 مىڭ توننا ءونىمدى قۇرايدى. بۇل رەسپۋبليكادا كالتسيلەندىرىلگەن سودا شىعاراتىن جالعىز زاۋىت بولماق ءارى ەلىمىزدىڭ بارلىق سۇرانىسىن %75 عا قاناعاتتاندىرادى. بۇگىندە كالتسييلەندىرىلگەن سودا نارىعىنىڭ %100 ىن يمپورتتىق ونىمدەر قۇرايدى.
ايتا كەتەرلىگى، «ارالتۇز» ا ق - يودتالعان اس جانە تەحنيكالىق تۇز شىعاراتىن قازاقستىندىق ءىرى كاسىپورىن. كاسىپورىن ءونىمنىڭ بىرنەشە ءتۇرىن شىعارادى: اس تۇزى ءارتۇرلى دەڭگەيدەگى جۇمساق جانە قاتتى قاپتامالاردا، سونداي-اق، مال ازىعىنا جانە تەحنيكالىق قاجەتتىلىكتەرگە ارنالعان تۇرلەرى.
كومپانيا قىزىلوردا وبلىسىنىڭ ارال اۋدانىندا ورنالاسقان، وندا 1200 دەن استام ادام جۇمىس ىستەيدى. 11-14- قىركۇيەك ارالىعىندا ماسكەۋدە ءوتىپ جاتقان «World Food Moscow 2017» حالىقارالىق ازىق-تۇلىك جارمەڭكەسىنە الەمنىڭ 64 ەلىنەن 1500 دەن استام رەسەيلىك جانە شەتەلدىك ازىق-تۇلىك ونىمدەرى مەن سۋسىندارىن جەتكىزۋشى كومپانيالار قاتىسۋدا.
جارمەڭكەدە «KAZAKH INVEST» ۇلتتىق كومپانياسى» ا ق قازاقستاننىڭ ۇلتتىق بۇرىشىن تانىستىرىپ، جەتى بىردەي وتاندىق ءوندىرۋشى-كومپانيالاردىڭ ونىمدەرىن ۇسىندى، ولاردىڭ اراسىندا «ارالتۇز» ا ق دا بار.
