نۇرسۇلتان نازاربايەۆ سمارتفونداردى پايدالانۋعا قاتىستى ازىلدەدى

استانا. قازاقپارات - اقوردادا وتكەن باسپا ءسوز ءماسليحاتىندا قازاقستان پرەزيدەنتى نۇرسۇلتان نازاربايەۆ سمارتفوندار مەن موبيلدىك قوسىمشالاردى پايدالانۋعا قاتىستى قويىلعان سۇراققا جاۋاپ بەردى، دەپ حابارلايدى قازاقپارات.

«ارينە، پايدالانامىن، SMS- تەر الامىن. تەلەفونىمنىڭ ءنومىرىن سىزدەرگە بەرەيىن بە؟»، - دەپ ازىلدەدى مەملەكەت باسشىسى تىلشىلەر ساۋالىنا جاۋاپ بەرۋ كەزىندە.

«شىنىن ايتقاندا، قازىرگى زامانعى كوممۋنيكاتسيالاردى پايدالانۋ قاجەت بولعانىمەن، ولارعا قاتتى اۋەستەنۋدىڭ ءساتى تۇسپەيدى. الايدا بارلىق قاجەتتى اقپارات مەندە بار. قاجەت بولعاندا عالامتوردى ءبىر شولىپ شىعامىن. كەزىندە ءبىز قاراعاننان گورى كوپ وقىعانعا ۇيرەنگەنبىز. قازىر جاستار بارلىعىن ينتەرنەتتەن تابادى. ولاردىڭ كەزىندە ءبىز وقىعان كىتاپتارعا قارامايتىنىنا كۇيىنەمىن»، - دەدى پرەزيدەنت.

وسى ورايدا مەملەكەت باسشىسى بۇگىندە ەلىمىز باعىت العان سيفرلىق ەكونوميكادا ەسكەرىلگەن بارلىق قادامدار ساۋاتتى تۇردە ۇيىمداستىرىلۋى كەرەكتىگىن قاداپ ايتتى. ەلباسى ءوز سوزىندە بۇل باعىتتا ءتيىستى پروبلەمالار بار ەكەنىن، سوندىقتان دا بارلىق اۋىلدىق جەرلەردى ينتەرنەتپەن قامتاماسىز ەتۋ جۇمىستارى دەر كەزىندە ىسكە اسىرىلۋى قاجەتتىگىن جەتكىزدى.

«بارلىق ادامدارعا ينتەرنەت جەتكىزىلۋى كەرەك. سول كەزدە تۇرعىنداردىڭ جاپپاي ينتەرنەت ساۋاتتىلىعى بىزگە «سيفرلىق قازاقستاندى» العا جىلجىتۋعا كومەكتەسەدى»، - دەدى ن. نازاربايەۆ.

اۆتور: رۋسلان عابباسوۆ