20:16, 14 - قىركۇيەك 2017 | GMT +6
ق ر پرەزيدەنتى داۋلى وقۋلىقتار جايىندا ويىن ايتتى
استانا. قازاقپارات - بۇگىن اقوردادا وتاندىق جانە شەتەلدىك جۋرناليستەرمەن كەزدەسكەن ەلباسى نۇرسۇلتان نازاربايەۆ مازمۇنى جاڭارتىلعان وقۋلىقتارعا قاتىستى قازاقستاندىقتاردىڭ سىنىنا وراي پىكىر ءبىلدىردى، دەپ حابارلايدى قازاقپارات.
«ءمان-جايدى انىقتايىق. بالالاردى دۇرىس تاربيەلەپ، دۇرىس وقىتۋ ءۇشىن، سۇرانىستى قاناعاتتاندىرۋ ءۇشىن دۇرىس وقۋلىقتار كەرەك. اتا-انالار دا ريزا بولۋى ءتيىس. ءبىلىم جانە عىلىم مينيسترلىگىنە پروبلەمانىڭ نەدەن تۋىنداعاندىعىن انىقتاپ، ءتۇسىندىرۋدى تاپسىرامىن»، - دەدى نۇرسۇلتان نازاربايەۆ ب ا ق وكىلدەرىنىڭ ساۋالىنا وراي.
ەستەرىڭىزدە بولسا، بۇعان دەيىن 5-سىنىپ وقۋشىلارىنىڭ اتا-انالارى مازمۇنى جاڭارعان ورىس تىلىنە كوڭىلدەرى تولمايتىندىعىن ايتقان بولاتىن.
ولار كىتاپقا ەنگەن «جەلىلىك ادەپ»، «ارمانداعان كولىك»، «اۆتوموبيل جارناماسى» سىندى سوزدەرگە نارازىلىق تانىتقان ەدى.
