نۇرسۇلتان نازاربايەۆ ترامپتىڭ پۋتينمەن قارىم-قاتىناسى تۋرالى ايتىپ بەردى
«البەتتە، مەن بىزگە جاقىن سانالاتىن رەسەيمەن قارىم-قاتىناس تۋرالى سۇراي المادىم. بۇل تۋرالى العاشقى اڭگىمەمىز وتە ءساتتى بولدى (...) مەن رەسەي مەن رەسەيدىڭ باسشىسىن باتىستىڭ ءجوندى قابىلدامايتىنىن، شىنىندا، ول مۇلدە بولەك ادام ەكەنىن تىكە ايتتىم. سول كەزدە ول ماعان: «سەن بىلەسىڭ عوي، ءبىز گەرمانيادا پۋتينمەن كەزدەستىك. ەندىگى كەزەكتە ءبارى جاعدايعا بايلانىستى» دەپ جاۋاپ بەردى. ونداعى دا، بىزدەگى دە جاعدايعا بايلانىستى ەكەنى بەلگىلى. ءبىراق، مەنىڭشە، بۇل رەلستەن اۋىتقىپ، قارىم-قاتىناستى تۇزەۋگە بولاتىن سەكىلدى»، - دەدى نۇرسۇلتان نازاربايەۆ اقوردادا وتاندىق جانە شەتەلدىك تىلشىلەرمەن وتكىزگەن باسپا ءسوز ءماسليحاتى بارىسىندا.
پرەزيدەنت سونداي-اق، ەكى ەلدىڭ قارىم-قاتىناسى رەتتەلەر دەگەن سەنىم ءبىلدىردى.
«ول (دونالد ترامپ) رەسەيدىڭ ۇلكەن مەملەكەت ەكەنىن ايتقان ەدى. ايتەۋىر ءبىر كۇنى ءبىز بۇل سۇراقتى شەشەمىز. ءسوزسىز، ا ق ش پەن رەسەي ەڭ ءىرى يادرولىق دەرجاۆا ەكەنى بەلگىلى. الەمدىك ماسەلەلەردى رەسەيسىز دە جانە ا ق ش- سىز دا شەشۋگە بولمايدى. سوندىقتان، اياعىندا بۇل پوزيتسيا جاعىمدى جاققا قاراي وزگەرەر دەپ ويلايمىن»، - دەدى مەملەكەت باسشىسى.
بۇرىن حابارلانعانىنداي، قازاقستان رەسپۋبليكاسىنىڭ پرەزيدەنتى، ا ق ش باسشىسى دونالد ترامپپەن بولعان اڭگىمەنىڭ ءمان-جايىن ايتىپ بەرگەن ەدى.
ايان بەكەن ۇلى
