ترامپ سانكسيانىڭ قازاقستانعا قاتىسى بولمايتىندىعىنا سەندىردى - نۇرسۇلتان نازاربايەۆ
«مەملەكەت باسشىسىنىڭ تەلەفونمەن سويلەسۋلەرى - بۇل ادەتتەگى ءىس. قوڭىراۋ شالامىز. ول پرەزيدەنت بولىپ سايلانعان كەزدە، قاراشادا تەلەفون شالدىم. ول ۋاقىتتا ۇزاق اڭگىمەلەستىك. ول ءبىزدىڭ وڭىردەگى، رەسەيدەگى، قىتايداعى احۋالعا قىزىعۋشىلىق تانىتتى. ودان كەيىن ءبىز ا ق ش پەن اراب ەلدەرىنىڭ كەزدەسۋى وتكەن ەر-ريادتا كەزدەستىك. كەيىن ول ماعان قوڭىراۋ شالدى. ونىڭ الدىندا ا ق ش ەنەرگەتيكا مينيسترلىگىنىڭ باسشىسى ەكسپو-2017 گە كەلىپ، مەن قابىلداعان ەدىم. ول ريزا بولىپ، ەكسپوناتتارعا، كورمە ۇيىمداستىرۋ دەڭگەيىنە تاڭ قالدى. بارعاننان كەيىن ول باستىعىنا بايانداپ، ول ماعان قوڭىراۋ شالۋعا شەشىم قابىلداعان سياقتى»، - دەدى ەلباسى اقوردادا ءوتىپ جاتقان وتاندىق جانە شەتەلدىك جۋرناليستەرمەن كەزدەسۋى بارىسىندا.
مەملەكەت باسشىسىنىڭ ايتۋىنشا، امەريكالىق ارىپتەسىمەن ەڭ الدىمەن قازاقستاندىق-امەريكالىق قارىم-قاتىناس جايىندا سويلەسكەن.
«مەن ا ق ش- تىڭ كومپانيالارى قازاقستانعا 40 ميلليارد دوللاردان استام ينۆەستيتسيا سالعانىن ەسكە سالدىم. امەريكالىق بيزنەستىڭ قاتىسۋىمەن 500 كومپانيا جۇمىس ىستەيدى، ءىرى كومپانيالارى دا بار. مەن قازىرگى ۋاقىتتا بولىپ جاتقان سانكسيالاردىڭ اتالعان كومپانيالاردىڭ جۇمىسىنا ىقپال ەتپەۋىن سۇرادىم. ول مۇنىڭ قازاقستانعا قاتىسى جوقتىعىن راستادى جانە ا ق ش قازاقستانمەن بۇل قارىم-قاتىناستاردى ودان ارى دامىتۋعا مۇددەلى ەكەندىگىن قۋاتتادى»، - دەدى نۇرسۇلتان نازاربايەۆ.
اۆتور: مارلان جيەمباي
