نۇرسۇلتان نازاربايەۆ گولوۆكين-الۆارەس جەكپە-جەگىن تاماشالايدى
بۇل جايىندا مەملەكەت باسشىسى اقوردادا ءوتىپ جاتقان وتاندىق جانە شەتەلدىك جۋرناليستەرمەن كەزدەسۋى بارىسىندا ايتتى، دەپ حابارلايدى قازاقپارات.
«مۇنداي وقيعالار قازاقستاندىقتاردىڭ باسىم بولىگىن تەلەديدار الدىنا جينايدى. بۇل وتە ماڭىزدى كەزدەسۋ. مەكسيكالىق الۆارەس - وتە تانىمال ادام، جوعارى ساناتتاعى بوكسشى»، - دەدى ەلباسى.
مەملەكەت باسشىسى بۇل كەزدەسۋدە وتانداسىمىز گەننادي گولوۆكيننىڭ جەڭىسكە جەتەتىندىگىنە ءۇمىت ارتاتىندىعىن باسا ايتتى.
«ول ورتا سالماقتا كاسىبي بوكستىڭ كورولىنە اينالىپ، مۇحامەد ءالي مەن مايك تايسونمەن ءبىر قاتاردا تۇرادى دەپ سەنەمىن. بۇل ول ءۇشىن وتە ماڭىزدى. وعان ۇلكەن تابىستار تىلەيىك. وسى ۋاقىتتا كورشىلەرىمىزگە ساپارلايتىندىعىما قاراماستان كورەمىن. بارلىعىمىز دا وعان جانكۇيەر بولامىز»، - دەدى نۇرسۇلتان نازاربايەۆ.
اۆتور: مارلان جيەمباي
