سەمەيلىك ولكەتانۋشىلار قالانىڭ نەگىزىن سالعان ازاماتقا ەسكەرتكىش ورناتۋدى ۇسىندى
ول قازىرگى قالا تۇرعان جەرگە العاش رەت 1776-جىلى كەلگەن. قازىرگى سەمەيدىڭ ناقتى قاي جەرگە سالىناتىنىن بەلگىلەگەن. قالانىڭ ىرگەتاسى بۇرىنعى بۋددا حرامىنىڭ جانىنا قالاندى، ول جەر كەيىننەن «سەم پالات» دەپ اتالىپ كەتتى.
«ۇستىمىزدەگى جىلدىڭ 11- قىركۇيەگىندە «ەرتىس ماڭى» ولكەتانۋ قوعامىنىڭ ءتوراعاسى مارات ساسانوۆ قالا اكىمدىگىنە سەميپالاتينسكى قامالىنىڭ شەكاراسىنا يۆان اندرەيەۆتىڭ ەسكەرتكىشىن سالۋ وتىنىشىمەن كەلگەن. حاتتى مادەنيەت جانە تىلدەردى دامىتۋ ءبولىمى قاراپ، ەسكەرتكىشتەر ورناتۋ جانە ەسكەرتكىش ونەرى قۇرىلىستارىمەن اينالىساتىن وبلىستىق ورگانعا جىبەرگەن»، - دەيدى مادەنيەت ءبولىمىنىڭ مامانى قۋات كيىكبايەۆ قوعامدىق كەڭەستىڭ وتىرىسىندا.
يۆان اندرەيەۆتىڭ پورترەتى ساقتالماعانىن ەسكەرسەك، قالانىڭ نەگىزىن قالاۋشىنىڭ كەلبەتىن ۇقساتۋ قيىنعا سوعادى. سوعان قاراماستان، مۇسىنشىلەر تاريحي انىقتامالار مەن مۇراعات مالىمەتتەردىڭ نەگىزىندە ونى «سالۋى» مۇمكىن.
