قازاق جەرىنىڭ بۇتىندىگىن ساقتاۋدا شاقشا جانىبەكتىڭ ەڭبەگى ەرەن - سەرىك تۇرعىنبەك ۇلى

قوستاناي. قازاقپارات - مەملەكەت قايراتكەرى، تارحان شاقشاق جانىبەككە اشىلعان ەسكەرتكىشتىڭ تاريحي ماڭىزى جونىندە بەلگىلى اقىن سەرىك تۇرعىنبەك ۇلى پىكىر ءبىلدىردى، دەپ حابارلايدى قازاقپارات ءتىلشىسى.
None
None

ون سەگىزىنشى عاسىرداعى قازاق تاريحى قولباسشى، مەملەكەتتىك قايراتكەر، باتىر شاقشاق جانىبەكسىز ايتىلمايدى.

باتىر تۋرالى تاريحي دەرەكتەر قازاقستاندا عانا ەمەس، رەسەيدىڭ ماسكەۋ، سانكت-پەتەربۋرگ، ورىنبور جانە ومبى قالالارىنداعى ارحيۆتەردە ساقتالعان. قازاق جەرىنىڭ بۇتىندىگىن ساقتاۋدا جانىبەك قوشقار ۇلىنىڭ ەڭبەگى ءوز الدىنا بولەك اڭگىمە.

«كەشە مەن بۇگىندى بايلانىستىراتىن، عاسىر ءۇردىسىن جالعايتىن، ءبۇتىن ءبىر ۇلتتىڭ التىن ارقاۋىنا اينالىپ، ەل تۇتاستىعىنا قىزمەت ەتەتىن قاستەرلى كىسىلەر بولادى. سولاردىڭ سويى دا سوقتالىسى - شاقشاق جانىبەك. تارحاننىڭ رۋحىنا جاسالىپ جاتقان توبىل- تورعاي تورابىنداعى مىنا باستاما ءبىزدىڭ قازاق تاريحىنا دەگەن شەكسىز قۇرمەتىمىزدىڭ دالەلى. باتىر، مامىلەگەر جانىبەك قايتادان اتقا قونىپ، ماڭگىلىك تۇعىرىنا ورنىقتى. بۇل - حالىقتىڭ قۇدىرەتىن، ەلدىڭ ەڭسەسىن كوتەرەتىن ەرەن شارۋا. بۇگىنگى ەلىمىز جۇمىلا بىرىگىپ جاتقان «رۋحاني جاڭعىرۋدىڭ» ۇلى كورىنىسى.

«تۋعان جەرگە تۋىڭ تىك» دەپ قاداپ ايتقان ەدى ەلباسى حالىققا جولداعان باعدارلامالىق ماقالاسىندا. ەسكەرتكىش تۇرعىزۋ باستاماشىل توپتاردىڭ ەرىكتى تۇردەگى ىسىنە اينالىپ بارادى. وتكەن جىلى جۇرتشىلىقتان جينالعان قارجىنىڭ ارقاسىندا قازاقتىڭ حاس باتىرى قوبىلاندىعا قوستاناي قالاسىندا ەسكەرتكىش ورناتىلدى، ەندى، مىنە شاقشاق جانىبەك تارحان رۋحى تۋعان جەر كىندىگىنەن باستاۋ الىپ، بايتاق دالا توسىندە ورىن تەپتى»، - دەدى اقىن، حالىقارالىق «الاش» سىيلىعىنىڭ يەگەرى سەرىك تۇرعىنبەك ۇلى.

شاقشاق جانىبەك تۋرالى قازاقتىڭ اقىن-جازۋشىلارى قالام تارتپاي قالعان جوق. ءارقايسىسى ءارقيلى پىكىرلەر ساباقتاعانىمەن، تۇپتەپ كەلگەندە، بارشاسى جانىبەك تارحاننىڭ تاعدىر- تالايىن تەرەڭىرەك زەردەلەۋگە تىرىستى. وسى ورايدا اقىن سەرىك تۇرعىنبەك ۇلى شاقشاق جانىبەك ۇرپاقتارىنا ەل العىسى ەرەكشە ەكەنىن جەتكىزدى.

«1993-جىلى تورعاي توسىندە جانىبەك تارحاننىڭ 300 جىلدىعىنا ارنايى اس بەرىلىپ، دۇركىرەگەن توي وتكەن ەدى. سول ءبىر حالىق ەسىندە قالعان يگىلىكتى ىسكە، سول كەزدەگى اۋدان اكىمى - جاقان قوسابايەۆ، سول كەزدەگى ۇلتتىق بانكتىڭ تۇڭعىش ءتوراعاسى عالىم باينازاروۆ، سونداي-اق، ەلىمىزدىڭ العاشقى مەتسەناتتارى ەربولات تولەگەنوۆ، جانتەمىر حامزين سىندى ازاماتتار زور ۇلەس قوسىپ، ۇيىمداستىرۋشىلىق قابىلەتىن تانىتقان ەدى. سول يگىلىكتى ءىس جانىبەك بابانىڭ ۇرپاقتارىنىڭ كومەگىمەن تاعى دا جالعاسىن تاپتى. ىرگەلى ىسكە ۇيىتقى بولعان باتىر ۇرپاقتارى - كەنجەعالي ساعاديەۆكە، سايلاۋبەك ەشانوۆقا، تارعىن ابەنوۆكە، ساعىندىق دوسماعامبەتوۆكە، راحىم جۇماقۇلوۆقا، سۇلتانعالي وسپانوۆقا، يبراش ەستايەۆقا، جانتەمىر حامزيندەرگە العىس ايتامىن»، - دەدى اقىن.

سوڭعى جاڭالىقتار